"යුද්ධයේ උමතුවෙන් බොහෝ තරුණයන් මිය යනවා." - ෆ්‍රැන්සිස් පාප්තුමන්
ෆ්‍රැන්සිස් පාප් වහන්සේ ගැටුම්වල "බිහිසුණු ප්‍රතිවිපාක" විඳිමින් සිටින අය වෙනුවෙන් යලිත් යාඥා කරන ලෙස වතිකානු ශාන්ත පීතර චතුරශ්‍රයේ ඊයේ පැවති පොදු ජන හමූවේ දී ඉල්ලා සිටි අතර, ඉදිරි ආරක්ෂක වළල්ලේ මියගිය සොල්දාදුවෙකුගෙන් ජපමාලයක් සහ ශුභාරංචි පොතක් ලැබීම ගැන සිහිපත් කරණු ලැබුවේය.
ෆ්‍රැන්සිස් පාප් වහන්සේ පාප්තුමන් ලෙස තේරී පත්වී එකොළොස්වන සංවත්සරය සනිටුහන් කරමින් බදාදා එතුමන්ගේ පොදු ජන හමූව අවසානයේ දී යුද්ධය හෙළා දකිමින් ඒ බව ප්‍රකාශ කර සිටියේය.
ඉතාලි භාෂාව කතා කරන වන්දනාකරුවන්ට සිය සුබපැතුම් පිරිනමමින් පාප් වහන්සේ නැවත වරක් ගැටුම්වලින් තුවාල ලැබූ ජනතාව වෙනුවෙන් යාඥා කරන ලෙසට තම ආරාධනය නැවත වරක් ඉදිරිපත් කළහ.
නොකඩවා යාච්ඤා කරන්න
කිතුනු සහයෝගීතාවයේ ක්‍රියාවන් ඉටු කිරීමට කැපවන ලෙස ශුද්ධෝත්තම පියතුමා මෙම චතාරිකයේ දී සියලුම විශ්වාසවන්තයින්ට ආරාධනා කළේය. “යුද්ධයේ බිහිසුණු ප්‍රතිවිපාකවලට මුහුණ දෙන අය වෙනුවෙන් අපි දැඩි ලෙස යාච්ඤා කරමු,” යැයි එතුමන් ඉල්ලා සිටියේය.
2023 මාර්තු 13 සිට අද දක්වා පසුගිය මාස දොළහ තුළ, ශුද්ධෝත්තම පියතුමා "ප්‍රාණ පරිත්‍යාගික" යුක්රේනය සහ මැද පෙරදිග තවත් 60 කට වැඩි ප්‍රමාණයක් වෙනුවෙන් සටන් විරාමයක් සඳහා අභියාචනා 150 කට වඩා ඉදිරිපත් කර ඇත.
මියගිය තරුණ සොල්දාදුවෙකුගේ අත තිබූ ජපමාලය
පාප්තුමාන් ශාන්ත පීතර චතුරශ්‍රයේ දී ජනතාව අමතමින් සිටියදී, හෙළි කළේ පෙර දිනයේදී තමාට "ඉදිරි පෙරමුණේ මියගිය තරුණ සොල්දාදුවෙකු අත ජපමාලයක් සහ ශුභාරංචි තිබුණු බව" දැන ගන්නට ලැබුණු බවයි.
මෙම මිය ගිය සොල්දාදුවා "මෙය සමඟ යාඥා කළ" ආකාරය සිහිපත් කළ පාප් වහන්සේ, "මෙතරම් තරුණයින්, බොහෝ තරුණයින් මෙලෙස මිය යන්නේ කෙසේද!" යනුවෙන් දුක් විය.
මෙය මනසේ තබාගෙන අපගේ ලෝකයේ සාමය සඳහා යාච්ඤා කරන ලෙස ශුද්ධෝත්තම පියතුමා සියලු දෙනාට ආරාධනා කළේය.
"සෑම විටම පරාජයක් වන මෙම යුධ උමතුවෙන් මිදීමට උන්වහන්සේගේ කරුණාව අපට ලබා දෙන ලෙස සමිඳාණන් වහන්සේට යාච්ඤා කරමු."
#PopeFrancis #StopWar #Peace #RVASinhala
'RVASinhala' face book,Instagram,Twitter පිටුව like කරන්න,comment කරන්න,share කරන්න,
YouTube චැනලය Subscribe කරන්න.ස්තූතියි...!
