ආසියානු කතෝලික සභාව සඳහා පිනැන්ග් හි මොහොතක්: බලාපොරොත්තුවේ මහා වන්දනා ගමන
2025 නොවැම්බර් 27 සිට 30 දක්වා මැලේසියාවේ පෙනැන්ග් හිදී පැවැත්වීමට නියමිතව ඇති මෙම මහා බලාපොරොත්තුවේ වන්දනා ගමන, “ආසියාවේ ජනතාව ලෙස එක්ව ගමන් කිරීම” යන තේමාව යටතේ ආසියාවේ කිතුණු ජනතාවට, ඇදහිල්ලෙන් එකට ගමන් කිරීමට ආරාධනා කරනු ඇත.
ආසියාවේ කතෝලික සභාවට තීරණාත්මක මොහොතක රදගුරුතුමන්, පූජාප්රසාදිතුමන්, පැවිදිවරුන්, හා ගිහි නායකයින්, සිය ගණනක් පෙනැන්ග් හි මහා බලාපොරොත්තුවේ වන්දනා ගමන සඳහා රැස්වනු ඇත. මෙය ආසියාවේ වෙනස් වන, සමාජ හා අධ්යාත්මික භූ දර්ශනය මධ්යයේ සභාව ජීවත් වන ආකාරය, බෙදා ගන්නා ආකාරය සහ ශුභාරංචිය සමරන ආකාරය නැවත සිතා බැලීම අරමුණු කරගත් සන්ධිස්ථාන රැස්වීමකි.
ආසියාවේ ජනතාව ලෙස එක්ව ගමන් කිරීම
මැලේසියාවේ පෙනැන්ග් රදගුරු පදවිය විසින් සත්කාරකත්වය දරන FABC විසින් සංවිධානය කරන ලද, බලාපොරොත්තුවේ මහා වන්දනා ගමන, ආසියාවේ විවිධාකාරවූ පැවිදි, සංස්කෘතික හා භාෂාමය ගෙත්තම් හරහා හඬවල් එක්රැස් කරනු ඇත. ආසියාවේ ශුභාරංචිය ජීවත් කරවීම වැඩසටහනක් නොව වන්දනා ගමනකි; වෙනස වැළඳගෙන එකට ඉදිරියට යන ඇදහිල්ලේ ගමනකි. වෙන කවරදාටත් වඩා කැඩුනු බිදුනු, සම්බන්ධ වූ සහ සංකීර්ණ ලෝකයක, ජේසුස් වහන්සේගේ කතාව අලුතින් ජීවත්කරවීමට සහ බෙදා ගැනීමට පෙනැන්ග් සභාවට ආරාධනා කරයි.
ප්රධාන කථිකයින් අතර කාදිනල් ලුයිස් ඇන්ටෝනියෝ ටැගල්, කාදිනල් පැබ්ලෝ වර්ජිලියෝ ඩේවිඩ්, අගරදගුරු සයිමන් පෝ, මාර් රෆායෙල් තැටිල්, අගරදගුරු ක්රිස්ටෝපර් ප්රවුස්, කොලින් කැල්මියානෝ සහ අනෙකුත් කැපී පෙනෙන කථිකයන් ඇතුළත් වන අතර, ඔවුන් සෑම කෙනෙකුම පශ්චාත් වසංගත, පශ්චාත් ගෝලීයකරණ යුගයක අලුත් කිරීම, සංහිඳියාව සහ අපෝස්තලිකත්වය පිළිබඳ අවබෝධයක් ලබා දෙයි.
තෝරාගත් තේමාව වන “ ආසියාවේ ජනතාව ලෙස එකට ගමන් කිරීම” ක්රිස්තුස් වහන්සේ හමුවීමෙන් පසු “වෙනස් මාර්ගයකට ගිය” (Mt 2:12) ශාස්ත්රඥයින්ගේ සුවිශේෂ වාර්තාවෙන් ආභාෂය ලබා ඇත. වසර 2000 කට පසුවත්, තනිවම නොව ආසියාවේ ජනතාව, සංස්කෘතීන් සහ විශ්වාසයන් සමඟ එකට ගමන් කරමින් නව මාර්ග සොයා ගැනීමට එඩිතර වන සභාවක් එයින් යෝජනා කෙරේ.
වර්තමාන ආසියාවට අදාළත්වය:
අද ආසියාව සන්ධිස්ථානයක සිටී. ලොව විශාලතම තරුණ ජනගහනය සහ එහි වේගයෙන්ම වර්ධනය වන නගර එහි පිහිටා ඇති අතර, පුළුල් වන අසමානතාවය, පාරිසරික විපත් සහ ආගමික ධ්රැවීකරණය ද එහි දක්නට ලැබේ. කලාපය පුරා, කතෝලිකයන් සුළු ජාතීන් වන අතර, බොහෝ විට බහු ආගමික සැකසුම් තුළ ඔවුන්ගේ ඇදහිල්ල නිහඬව ජීවත් වන නමුත්, ඔවුන්ගේ සාක්ෂි දැරීම සේවයේ, අනුකම්පාවේ හා සාමය ගොඩනැගීමක් ලෙස පවතියි.
එවැනි වාතාවරණයක් තුළ, බලාපොරොත්තුවේ මහා වන්දනා ගමන පැමිණෙන්නේ අදහස් සමුළුවක් ලෙස නොව, අලුත් කිරීමේ ව්යාපාරයක් ලෙස වන අතර, එය සවන් දීම, විචාරය සහ එකමුතුව ගමන් කිරීම ඇතුලත් ෆ්රැන්සිස් රදගුරු හිමිපාණන්ගේ සංගමනශීලී සභාවක් පිළිබඳ දැක්ම ප්රතිරාවය කරයි. ආසියානු රදගුරු සම්මේලනය (FABC) විසින් මුලින්ම ප්රකාශ කරන ලද දුප්පතුන් සමඟ, සංස්කෘතීන් සමඟ සහ ආගම් සමඟ සංවාද ඇතුලත් “ත්රිත්ව සංවාදය” නැවත සොයා ගැනීමට එය උත්සාහ කරයි.
ආසියාව පුරා සමාජයන් තාක්ෂණික වෙනස්කම්, සංක්රමණ සහ සදාචාරාත්මක අවිනිශ්චිතතාවයන්ට මුහුණ දෙන විට, සභාවේ කාර්ය භාර්යය වන්නේ විශ්වාසදායක සහකරුවෙකු ලෙස සිටීමයි. දේශනා කිරීමට පෙර සවන් දෙන, ඉගැන්වීමට පෙර සේවය කරන, සහ සියලු ජනයා සමඟ නිහතමානීව ගමන් කරන සභාවක් ලෙස සිටීමයි.
ආසියානු සභාව සඳහා පෙනැන්ග් මොහොතක්:
බහු සංස්කෘතික ස්ප්රීතු සහ ආගමික සහජීවනය සඳහා ප්රසිද්ධ පෙනැන්ග්, සංකේතාත්මක ස්ථානයක් ඉදිරිපත් කරයි. එහි පැරණි පල්ලි, පන්සල් සහ මුස්ලිම් පල්ලි සංවාදවල පොහොසත් ඉතිහාසයකට ජීවමාන සාක්ෂිකරුවන් ලෙස එකිනෙකට යාබදව පිහිටා ඇත. මෙම පසුබිමට එරෙහිව, ආසියාවේ සභාවට විරාමයක් තබා, යාච්ඤා කිරීමට සහ ඉදිරි මාවත සැලසුම් කිරීමට අවස්ථාවක් පිළිබිඹු කරන මේ මහා බලාපොරොත්තුවේ වන්දනා ගමන මාර්ග සිතියමක් බවට පත්වේ.
ක්රිස්තුස් වහන්සේගේ උත්ථානයෙන් වසර 2000ක් සනිටුහන් කරන 2033 ජුබිලි වර්ෂය දෙස බලන විට, ආසියාවේ සභාවේ මුහුණුවර අලුත් කිරීමට සහ මහාද්වීපයේ භාෂා, සංගීතය සහ කථා වලින් ශුභාරංචියේ ප්රීතිය නැවත සොයා ගැනීමට බලාපොරොත්තුවෙන් එකට ගමන් කරන ලෙස, මෙම රැස්වීම සියලුම ඇදහිලිවන්ත ජනතාවට ආරාධනා කරයි.
ධනය සහ අගහිඟකම, ඇදහිල්ල සහ සැකය, බලාපොරොත්තුව සහ දුෂ්කරතා අතර පරස්පරතා වලින් සලකුණු වූ කලාපයක් සඳහා, බලාපොරොත්තුවේ මහා වන්දනා ගමන හැරවුම් ලක්ෂ්යයක් ලෙස පෙන්නුම් කළ හැකිය. ආසියාවේ හදවතේ, ආපසු යාමෙන් නොව, “වෙනස් මාර්ගයකින්” යාමෙන් ක්රිස්තුස් වහන්සේගේ ශුභාරංචිය ජයග්රහණයෙන් නොව අනුකම්පාවෙන් ඉදිරියට යන බවට මතක් කිරීමකි.
කර්තෘ ගැන:
ජෝසප් මසිලාමනි යනු කතෝලික මාධ්ය ක්ෂේත්රයේ පුළුල් අත්දැකීම් ඇති ප්රවීණ මැලේසියානු මාධ්යවේදියෙකු සහ නිදහස් ලේඛකයෙකි. ඔහු ප්රමුඛ කතෝලික ප්රවෘත්ති ආයතන සහ වේදිකාවලට නිතිපතා දායක වේ.
#GPH2025 #RVA
#RVASinhala
'RVASinhala' Facebook, Instagram, Twitter, TikTok පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!
