අද දින සුදුවර චරිතයෙන් අගෝස්තු 25වන දිනට මංගල්‍යය යෙදෙන ශුද්ධ වූ ලුවී මුනිඳුන් ගැන කතා කරමු.
ලුවී උපත ලබන්නේ වර්ෂ 1214 අප්‍රියෙල් 25 වන දින පැරිසිය ආසන්නයේ පොයිසි නම් ග්‍රාමයේ ලුවී ලියෝන් සහ කැස්ටිල්හි බ්ලැන්චේ යන දෙපළට දාවය. ප්‍රංශයේ දෙවන පිලිප් රජු ඔහුගේ පියාගේ පෙළපතෙන් වූ අතර අටවන අල්ෆෝන්සෝ රජු මවගේ පරපුරෙන් විය.
1226 නොවැම්බර් 8 වන දින ඔහුගේ පියා මිය යන විට ලුවීට වයස අවුරුදු 12 කි. මාසයක් ඇතුළත දී රීම්ස් ආසන දෙව්මැදුරේදී ඔහුව රජකමට පත් කෙරිණ. ලුවී තම යොවුන් වියෙහි සිටි නිසා ඔහුගේ මව ප්‍රංශය පාලනය කළේය. ලුවීගේ මව ඔහුව ශ්‍රේෂ්ඨ නායකයෙකු හා හොඳ කිතුනුවකු වීමට පුහුණු කළාය. 1252 වසරේ ඇය මිය යන තුරුම තම පුතු හට රජකම හොඳින් ඉටු කිරීමට පිටුවහලක් විය.
1234 මැයි 27 වන දින ලුවී ප්‍රොවෙන්ස් හී මාග්‍රට් යන අය විවාහ කර ගත්තේ. ඇය ද දහම ට ඉතා ලැදි තැනැත්තියක වූ බැවින් ඔවුන් ඉතා ප්‍රිතිමත් සාර්ථක පවුල් ජීවිතයක් ගත කළහ. දරුවන් 11 දෙනෙකුගේ පියෙකු වූ ලුවී දැඩි කතෝලික භක්තිකයකු විය. දිළිඳු අය කෙරෙහි මහත් වූ ලෙන්ගතුකමක් දැක්වූ එතුමන් ඔවුනට ආහාර පාන ලබා දී රැකබලා ගත් අතර රෝහල් හා නිවාස බොහෝමයක් ඉදිකිරීමට කටයුතු කළේ ය.
ශුද්ධ වූ සභාව කෙරෙහි ද ඔහු තුළ වූයේ මහත් වූ භක්තියකි. 1250 ඇතිවූ කුරුස යුද්ධයේ දී ඔහු සිරගත විය. එහි දී දිනපතා යාම යැදුම කිරීම පුරුද්දක් කරගෙන කරගෙන සිටි ඔහු නිදහස ලැබූ විට ප්‍රංශය බලා යාමට පෙර ශුද්ධ වූ දේශයට යාමට අමතක නොකළේය. ප්‍රංශය සහ වතිකානුව අතර ඉතාමත් කිට්ටු සම්බන්ධතාවයක් ඔහුගේ පාලන සමයේ පැවතුණි.
දෙවන කුරුස යුද්ධය පවතින අතරතුර 1270 වසරේ අගෝස්තු 25 වන දින මුහුණ දුන් වසංගත රෝගී තත්ත්වයක් නිසා උතුරු අප්‍රිකාවේ ටූනස් හී දී මරණයට පත්විය.
#StLouisKingofFrance #Prayforus
#Saintoftheday #RVASinhala
'RVASinhala' Facebook, Instagram, X Twitter, TikTok පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!
