අද දින සුදුවර චරිතයෙන් සැප්තැම්බර් 02වන දිනට මංගල්‍යය යෙදෙන ශුද්ධ වූ බ්‍රෝකාඩ් මුනිඳුන් ගැන කතා කරමු.
මෙතුමන් ප්‍රංශ පෙළපතට අයත් කාර්මෙල් කන්දේ ජීවත් වූ තාපස පැවිදි වරයෙකි. ඔහු අයත් වූ තාපස පංතියේ ශ්‍රෙෂ්ඨ තාපසතුමන්ව සිටි ශාන්ත බර්තෝල්ඩ් වර්ෂ 1195 දී පමණ මිය ගිය අතර බ්‍රෝකාඩ් ශ්‍රෙෂ්ඨ තාපසතුමන් ලෙස තේරී පත් විය.
1207 දී පමණ බ්‍රෝකාඩ්, කර්මෙල් හි තාපසවරුන්ට පොදු ජීවිත විනය මාලාවක් සම්පාදනය කිරීම සඳහා සහාය ලබා ගැනීමට ශුද්ධාසන නියෝජිත ඇල්බට් ඇවගාඩ්‍රෝ හමුවිය. එම ඉල්ලීම පරිදි ඇල්බට් විසින් පරිච්ඡේද 16 කින් සමන්විත කෙටි රීති මාලාවක් සකස් කළේය. මෙම රීති මාලාවත් සමඟ කාර්මෙල් පැවිදි පංතියේ ආරම්භය සනිටුහන් විය.
සම්ප්‍රදායට අනුව බ්‍රෝකාඩ් මුනිඳුන් ශුද්ධ ලියවිල්ල පිළිබඳ මනා දැනුමක් තිබූ කෙනෙකු බවත් ඇල්බට් සමඟ ඊළඟ ලැතරන් මන්ත්‍රණ සභාවට සහභාගී වීමට සැලසුම් කරගෙන සිටි බව කියැවේ. නමුත් මන්ත්‍රණ සභාව පැවැත්වීමට පෙර එතුමන් 1231වසරේ දී පමණ ඝාතනයට ලක්විය.
#StBrocard #Prayforus
#Saintoftheday #RVASinhala
'RVASinhala' Facebook, Instagram, X Twitter, TikTok පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!
