අද දින සුදුවර චරිතයෙන් සැප්තැම්බර් 09වන දිනට මංගල්‍යය යෙදෙන ශුද්ධ වූ පීටර් ක්ලේවර් මුනිඳුන් ගැන කතා කරමු.
පීටර් ක්ලේවර් උපත ලබන්නේ 1580 ජුනි 26 වන දින ස්පාඤ්ඤයේ ප්‍රදේශයේ වේර්දු නම් ගම්මානයේ දී කතෝලික හා සමෘද්ධිමත් ගොවි පවුලක ය.බාර්සිලෝනා විශ්ව විද්‍යාලයේ ශිෂ්‍යයෙකු ලෙස ක්ලේවර් ඔහුගේ බුද්ධිය හා ශ්‍රද්ධාව නිසා ප්‍රසිද්ධ විය. එහි වසර දෙකක අධ්‍යයනයෙන් පසු ක්ලේවර් සිය ජීවිත කාලය පුරාම තබා ඇති සටහන් පොතේ මෙම වචන ලිවීය: “මම වහලෙකු හා සමාන ය යන අවබෝධය මත, මරණය දක්වාම දෙවියන්ගේ සේවයට කැපවිය යුතුය.”
ඔහු සිය අධ්‍යාපනය අවසන් කිරීමෙන් පසු වයස අවුරුදු 20 දී ටාර්අගෝනා හි ජේසු නිකායට ඇතුළත් විය. ආධුනිකාරාමයේ පුහුණුව නිම කළ පසු , මල්ලෝර්කාවේ පල්මා හි දර්ශනවාදය හැදෑරීමට ඔහුව යවන ලදි. එහි සිටියදී ඔහු විද්‍යාලයේ ගිහි සහෝදරතුමකු ලෙස සිටි ශුද්ධවත් සහ දිවැසි වරම් ලබා සිටි ශුද්ධ වූ ඇල්ෆොන්සස් රොඩ්‍රිගුස්ට්තුමන්ව දැන හදුනා ගත්තේය. ක්ලැවර් තම ජීවිතය ස්පාඤ්ඤයේ යේ යටත් විජිතවල ගත කළ යුතු බවට දෙවියන් වහන්සේ විසින් කරනු ලබන අනාවරණය රොඩ්‍රිගුස්ට හැඟී ගිය අතර, ඔහු නිතරම තරුණ ක්ලේවර් ගෙන් ඉල්ලා සිටියේ එම කැඳවීම පිළිගන්නා ලෙසයි.
පූජකයෙකු වීමට පෙර දේවධර්මය හැදෑරීමට වසර හයක් ගත කිරීමට අවශ්‍ය වූ ඔහු ජීවත් වූයේ ටුන්ජා සහ බොගෝටා හි ජේසු නිකායේ නිවාසවල ය. එම සූදානම් වීමේ කාලය තුළ අප්‍රිකාවේ සිට ගෙන එන ලද කළු වහලුන්ගේ කටුක ජීවන තත්ත්වයන් ගැන ඔහු දැඩි සේ කනස්සල්ලට පත් විය.මේ වනවිට වහල් වෙළඳාම ඇමරිකාව තුළ ශතවර්ෂයක් පමණ සිට කර ගෙන ඒමෙන් පැවතිණි.රන් සහ රිදී පතල් කැණීම් වලට යොදා ගත් බොහෝ අය ශාරීරිකව දුර්වලව සිටියෝය. පතල් හිමිකරුවන් ඔවුන්ගේ ශ්‍රම අවශ්‍යතා සපුරාලුවේ ඇන්ගෝලා සහ කොංගෝවෙන් කළු ජාතිකයින් ගෙන්වා ගැනීමෙන් ය.
ක්ලේවර් වහලුන්ව තමන්ගේ ම කිතුනුවන් ලෙස සැළකු අතර අන් අයටද එසේ කිරීමට උනන්දු කළේය.ඔහුගේ අවුරුදු 40 ක දේව සේවය තුළ ඔහු වහලුන් 300,000 ක් පුද්ගලිකව ධර්මය කියා දී බව්තීස්ම කළ බව ගණන් බලා තිබේ. කිතුනුවන් වශයෙන් ඔවුන්ට ඔවුන්ගේ ක්‍රිස්තියානි සහ සිවිල් අයිතිවාසිකම් ලැබීමට වගබලා ගැනීම සඳහා ඔහු පසුව පසු විපරම් ද කර ඇත. කෙසේවෙතත්, ඔහුගේ මෙහෙවර වහලුන් රැකබලා ගැනීමට වඩා පුළුල් විය. ඔහු නගර චතුරශ්‍රයේ, නැවියන්ට සහ වෙළෙඳුන්ට දේශනා කළ අතර සෑම වසන්තයකටම ඔහු බව්තීස්ම වූ අය බැලීමට නැවත පැමිණියේය.වහලුන් වෙනුවෙන් එලෙස ඉමහත් සේවයක් කළ එතුමන් ධනවතුන් වෙළඳුන් මුස්ලිම් ජාතිකයින් සහ ඉංග්‍රීසි රෙපරමාදු භක්තිකයන් සහ අපරාධකරුවන් අමතක නොකල අතර ඔවුන්ගේ ද ආත්ම ගැලවීම උදෙසා සේවය කළේය.
ඔහුගේ ජීවිතයේ අවසාන කාලය තුළ තම කාමරයෙන් පිටවීමට නොහැකි තරම් අසනීප විය. ඔහු අවසන් වසර හතර පුරා තමන් හට සාත්තු කිරීමට යොදවා සිටි හිටපු වහලෙකු විසින් සිටියේය, බොහෝ දුරට අමතක වී බොහෝ ශාරීරික හිංසනයට ලක් විය.එහෙත් ඔහු කිසි විටෙකත් එම පුද්ගලයාට විරුද්දව පැමිණිලි නොකළ අතර එය තම පව්වලට වන්දි ගෙවීමක් ලෙස පිළිගත්තේය. එතුමන් 1654 සැප්තැම්බර් 08 වන දින සගලොව දිනාගත්තේය.
භාග්‍යවරයට එසවීමේ 1850 ජූලි 20 දින අති උතුම් IX වන පියුස් ශුද්ධෝත්තම හිමිපාණන් විසින්.
සාන්තුවර භාවයට එසවීම 1888 ජනවාරි 15 දින අති උතුම් XIII වන ලියෝ ශුද්ධෝත්තම හිමිපාණන් විසින්.
වහල් සේවයේ යෙදුනන්ගේ සහ නිග්‍රෝ ධර්මදූත සේවයේ නාමසාන්තුවරයා වන, ශුද්ධ වූ පීටර් ක්ලේවර් මුනිඳුනි, අප නිසා යාච්ඤා කළ මැනව.
#StPeterClaver #Prayforus #Saintoftheday #RVASinhala
'RVASinhala' Facebook, Instagram, X Twitter, TikTok පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!
