ශුද්ධ වූ ජෙරොම් මුනිඳුන්

අද දින සුදුවර චරිතයෙන් සැප්තැම්බර් 30වන දිනට මංගල්‍යය යෙදෙන ශුද්ධ වූ ජෙරොම් මුනිඳුන් ගැන කතා කරමු.

මෙතුමන් උපත ලබන්නේ එව්සේබියස් සොෆ්‍රෝනියුස් හයිරෝනිමස් නමින් ක්‍රි.ව. 347 දී ඩල්මැටියාවේ ස්ට්‍රිඩෝන් හී ය. තරුණ ජෙරොම් අධ්‍යාපනය ලැබුවේ සුප්‍රසිද්ධ රෝම ව්‍යාකරණ ශිල්පියෙකු වූ ඒලියස් ඩොනාටස් විසිනි. ඔහුගෙන් තරුණ ජෙරොම් ලතින් සහ ග්‍රීක භාෂාව ඉගෙන ගත්තේය. දෙමාපියන් විසින් ජෙරොම්ව නිසි ලෙස හදා වඩා ගැනීමට කොතරම් උත්සාහ කළද, තරුණයකු ලෙස හැසිරුණේ හැසිරුණේ තමන්ට ඕනෑ ආකාරයටය.

අධ්‍යාපනය ලැබීමෙන් පසු පියා විසින් ඔහුව රෝමයට යවනු ලැබු අතර එහිදී ඔහු ශාස්ත්‍රීය සාහිත්‍යය හා වාග්ශාස්‌ත්‍රය හැදෑරීය. වර්ෂ 366 දී අතිඋතුම් ලයිබීරියස් පාප්තුමා විසින් බව්තීස්ම විය.

රෝමයේ සිටිය දී ඔහු ග්‍රීක, ලතින්, ඉතිහාසය සහ දර්ශනය උනන්දුවෙන් හැදෑරූ අතර තමා කියවූ බොහෝ කෘති උනන්දුවෙන් පිටපත් කරමින් තමාගේම පුස්තකාලයක් ගොඩනගා ගත්තේය. රෝමයෙන් පිටවීම ඔහුගේ විසි ගණන්වල මුල් භාගයයි. ඔහු ගෝල් (ප්‍රංශය)හි ට්‍රයර් වෙත ගොස් ශුද්ධවූ හිලරි මුනිදුන් ගේ ගේ කෘති පිටපත් කළේය. ඉතාලියේ ඇක්විලෙයියා වෙත ආපසු ගියඔහු දේවධර්මශාස්ත්‍රය හැදැරීම පටන් ගත්තේය.

ක්‍රිස්තු වර්ෂ 373 දී පමණ ඔහු නැගෙනහිරට වන්දනා චාරිකාවක නිරත වූ අතර සුලු ආසියාවේ නගරවල සංචාරයේ යෙදුණි. සිරියාවේ අන්තියෝකියට ළඟා වූ ඔහු මාස ​​කිහිපයක් එහි නැවතී සිටීමට තීරණය කළේය. එහිදී ඔහු මානවවාදී හා පැවිදි අධ්‍යයන කටයුතුවල නිරත විය. ඉන්පසු ඔහු අන්තියෝකියේ ගිනිකොන දෙසින් පිහිටි කල්සියා කාන්තාරයට ගොස් අවුරුදු පහක් පැවිදි ජීවිතයක් ගත කළේය. එහිදී ඔහු තමන් දැඩිලෙස ඇලුම් කළ ශුද්ධ ලියවිල්ල පිටපත් කිරීමේ කාර්යයේ යෙදෙන්නට පටන් ගත්තේය .

යෞවනයෙකු ලෙස ජෙරොම් හට රෝමයේ තමන් ගත කළ සැපපහසු ජීවිතය පහසුවෙන් අමතක කිරීමට නොහැකි වූ නමුත් සිහිනයකින් ලද දර්ශනයකින් අනතුරුව ගැඹුරු අධ්‍යාත්මික නැබුරුවකට යොමු විය. තමන් වෙත පැමිණෙන පරීක්ෂාවන්ගෙන් මිදීම සඳහා ඔහු හෙබ්‍රෙව් භාෂාව ඉගෙන ගැනීමට තීරණය කළේය. ඔහු හෙබ්‍රෙව් භාෂාවෙන් කෙලින්ම ශුද්ධ ලියවිල්ල පරිවර්තනය කළ අතර බයිබලය හා දේවධර්මය වෙනුවෙන් කැප වූ වැඩමුළුවක් සංවිධානය කළේය.

පැවිද්දන් අතර ඇති වූ මතබේදයන් නිසා ඔහුගේ නිදහසට බාධා වූ හෙයින්, ඔහු ක්‍රිස්තු වර්ෂ 378 දී නැවත අන්තියෝකියට පැමිණියේය. එහිදී ඔහුට පූජකයෙකු වීමට අදහසක් ඇති වූ නමුත් පුජකයකු ලෙස පත්වී රදගුරු පදවියකට සිමා නොවිය.

ක්‍රිස්තු වර්ෂ 382 වන විට ඔහු නැවත රෝමයට ගිය අතර ඩැමසස් පාප්තුමා ඔහුව ලේකම් හා පුස්තකාලයාධිපති ලෙස පත් කළේය. බයිබලය ලතින් භාෂාවට පරිවර්තනය කිරීමටද ඔහුට නියම විය. රෝමයේ ඇති වූ අර්බුදකාරී තත්ත්වයක් හමුවේ ක්‍රිස්තු වර්ෂ 385 දී ඔහු ඔස්ටා සිට අන්තියෝකිය බලා පිටත් විය. මාස කිහිපයකට පසු කන්‍යාවන් සහ වැන්දඹුවන් ගණනාවක් අන්තියෝකියට ගොස් ජෙරොම්ව මුණගැසුණ අතර එම කණ්ඩායම බෙත්ලෙහෙමේ පදිංචි වූ අතර එහිදී තාපසාරාමයක් හා කන්‍යාරාමයක් පිහිටුවන ලදී. මෙය ඔහුගේ සාහිත්‍ය යුගයේ ආරම්භය වූ අතර ඔහු මිය යන තුරුම එහි රැඳී සිටියේය.

ඔහුගේ බයිබලානුකුල විවරණයන් සහ ලතින් බයිබලය පිළිබඳකෘති ආරම්භ කළේ බෙත්ලෙහෙමේදීය. . මෙම කාර්යයට අමතරව ඔහු තපසාආරාම පිහිටුවීමට ද උදව් කළේය. ඔහු විසින් අගහිඟකම් ඇති අය නොසලකා හරිනු නොලැබූ අතර ශුද්ධ ලියවිල්ල පිළිබඳ ඔහුගේ වැඩ කටයුතු ද දිගටම කරගෙන ගියේය. ජෙරොම් පැරණි ගිවිසුමේ වැඩි කොටසක් හෙබ්‍රෙව් භාෂාවෙන් ද සමහර ඒවා ග්‍රීක භාෂාවෙන්ද පරිවර්තනය කළේය. එසේම, ඔහු ශුද්ධ ලියවිලි විවරණ, චරිතාපදානයන්, ලේඛකයන්ගේ ඉතිහාසය ද ලියූ අතර දේශනා පැවැත්වීම ද , සම්මන්ත්‍රණ පැවැත්වීමද සිදු කරන ලදී .ඔහුගේ විශ්ෂ්ටතම කාර්ය නම්, කතෝලික සභාව විසින් තවමත් භාවිත කරනු ලබන ශුද්ධවූ බයිබලය පරිවර්තනය කිරීම සහ වසර 1,200 කට පසුව ජේම්ස් කිං අනුවාදය සඳහා ප්‍රමිතිය සැකසීමයි.

ඔහු අවුරුදු තිස් හයක් පුරා බෙත්ලෙහෙමේ වාසය කළ අතර, දේව ධර්මික මතභේදයන් හමුවේ ප්‍රබල ලෙස සම්බන්ධ විය. ජෙරොම් ක්‍රිස්තු වර්ෂ 420 සැත්තැම්බර් 30 වන දින මිය යන අතර, එතුමන්ගේ දේහය තැන්පත් කරනු ලැබුවේ ජේසුස් වහන්සේගේ උපත සිදු වූ ස්ථානයට ආසන්නයේ දේවස්ථානක ය. වර්තමානයේ එතුමන්ගේ ධාතූන් රෝමයේ සාන්තා මාරියා මැජිහොර් හි බැසිලිකාවෙහි තැම්පත් කර තිබේ. 1989 දීඑතුමන්ව සභා පියෙකු වූ සහ සභා ධර්මධරයකු නම් කරන ලදී.එතුමන් පුස්තකාලයාධිපතිවරුන්ගේ ද පුරාවිද්‍යාඥයන්ගේද, ලේඛනාරක්ෂකන්ගේද,බයිබල් විශාරදයින්ගේද,පරිවර්තකයන්ගේ සහ පාසල් දරුවන්ගේද නාම සාන්තුවරයාය.

පරිවර්තකයන්, පුස්තකාලයාධිපතිවරුන් සහ විශ්වකෝෂ සම්පාදකයින්ගේ නාමසාන්තුවරයා වන, ශුද්ධ වූ ජෙරොම් මුනිඳුනි, අප නිසා යාච්ඤා කළ මැනව.

#StJerom  #Saintoftheday 
#RVASinhala 

'RVASinhala' Facebook, Instagram, Twitter පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!
 

Add new comment

1 + 3 =