අද දින සුදුවර චරිතයෙන් සැප්තැම්බර් 01වන දිනට මංගල්‍යය යෙදෙන ශුද්ධ වූ ජයිල්ස් මුනිඳුන් ගැන කතා කරමු.
මෙතුමන් භාවනානුයෝගී ව මුලින්ම ජීවත් වූයේ වර්තමාන දකුණු ප්‍රංශයේ සෙප්ටිමේනියාවේ ගාඩ් ගඟ අසබඩ ය. ඔහු ඇතන්ස් හී තියඩෝර් රජුගේ සහ පෙලජියා රැජිනගේ පුත්‍රයා යන ජනප්‍රවාදයේ කියැවේ. පසු කලෙක ඔහු නීමෙස් නගරය අසල වනාන්තරයක් මැද වසර ගණනාවක් ගත කළ අතර ඔහුගේ එකම සහකරු වූයේ රතු මුවෙකු ය. මෙතුමන් නිර්මාංශීක සහ භාවනායෝගීව කල්ගත කළේය.
විසිගොති නම් ජන කොට්ඨාසයේ රජු වූ වම්බාගේ දඩයම්කරුවන් විසින් එතුමන් සමඟ සිටි මුවාට එල්ල කළ ඊතලයෙන් තුවාල සිදු වූ නිසා මෙතුමන්ව පසුව ශාරීරික ආබාධිතයන්ගේ නාම සාන්තුවරයා ලෙස සලකනු ලැබීය.වම්බා රජු එතුමන් ගේ නිහතමානිකම ඉතා ඉහළින් අගය කළ අතර ඔහුගේ නිම්නයේ ශාන්ත ගිලෙස්-ඩු-ගාඩ් හි තාපසාරාමයක් ඉදි කර දෙන ලදී. එතුමන් විසින් මෙම තාපසාරාමය බෙනදිකානු පාලනය යටතේ තැබීමට කටයුතු කළේය. අට වන ශතවර්ෂයේ මුල් භාගයේදී එතුමන් එහිදී මිය යන අතර එතුමන්ගේ ශුද්ධවන්තකම හා සිදු කළ ප්‍රාතිහාර්යයන් ඉතා ප්‍රචලිත විය.
ශුද්ධ වූ ජයිල්ස් මුනිඳුන් යාචකයින්; කම්මල්කරුවන්; පියයුරු පිළිකා; මව්කිරි දීම; පිළිකා රෝගීන්; ආබාධිත පුද්ගලයන්; වනාන්තර; තාපසයන් ; අශ්වයන්; ලාදුරු රෝගීන්; මානසික රෝග; අනාවැකි ; දුප්පතුන්; බැටළුවන් සහ වඳභාව පිළිබඳ නාමසාන්තුවරයා ලෙස සලකනු ලැබේ.
#StGilesAbbot #Prayforus #Saintoftheday #RVASinhala
'RVASinhala' Facebook, Instagram, X, TikTok පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!
