'යුද්ධයේ බිහිසුණු බවින් පීඩා විඳින මිනිසුන් වෙනුවෙන් යාච්ඤා කරන්න' - ෆ්‍රැන්සිස් පාප්තුමන්

'යුද්ධයේ බිහිසුණු බවින් පීඩා විඳින මිනිසුන් වෙනුවෙන් යාච්ඤා කරන්න' - ෆ්‍රැන්සිස් පාප්තුමන්
යුද්ධයේ භීෂණයෙන් පීඩා විඳින සියලුම මිනිසුන් වෙනුවෙන් යාඥා කරන ලෙසත් අපගේ ලෝකයට සාමය උදාකර දෙන ලෙසත් ප්‍රැන්සිස් පාප් වහන්සේ කිතුනුවන්ට ආරාධනා කරති.

"නැවත වරක්, සහෝදර සහෝදරියනි, යුක්රේනයේ සහ ශුද්ධ වූ දේශයේ මෙන්ම ලෝකයේ අනෙකුත් ප්‍රදේශවල යුද්ධයේ භයංකාරයෙන් පීඩා විඳින මිනිසුන් වෙනුවෙන් යාච්ඤා කිරීමට මම මගේ ආරාධනය අලුත් කරමි."

ශාන්ත පීතර චතුරශ්‍රයේ බදාදා පොදු ජන හමුවේ අවසානයේ ප්‍රැන්සිස් පාප් වහන්සේ එම ආරාධනය ඉදිරිපත් කළහ.

ඉතාලි භාෂාව කතා කරන වන්දනාකරුවන්ට ආචාර කරන විට, පාප් වහන්සේ සාමය සඳහා ඔහුගේ නිරන්තර ආයාචනය නැවත නැවතත් කළහ.

"අපි සාමය සඳහා යාච්ඤා කරමු!", "අපි දෙවියන් වහන්සේගෙන් සාමයේ තෑග්ග ඉල්ලමු."යැයි එතුමන් ප්‍රකාශ කළේය

ජන හමුව ආරම්භ වූ විට පාප් වහන්සේ පැවසුවේ තමා තවමත් සෙම්ප්‍රතිශ්‍යාවක ප්‍රතිවිපාක විඳින බවයි.

යුද්ධයේ අඛණ්ඩ 'භීෂණ'
එතුමන්ගේ ආයාචනයේ දී ශුද්ධෝත්තම පියතුමා විශේෂයෙන් යුක්රේනය සහ ශුද්ධ වූ දේශය ගැන සඳහන් කළේය.

යුක්රේන මාධ්‍ය වාර්තා කර ඇත්තේ රුසියානු හමුදා විසින් අඟහරුවාදා රාත්‍රියේ අඛණ්ඩ ඩ්‍රෝන් ප්‍රහාර විසින් කියෙව් සහ ඔඩෙස්සා ප්‍රදේශ ද ඇතුළුව විවිධ යුක්‍රේන නගරවලට පහර දුන් බවයි.

ගාසා තීරයේ, ඊශ්‍රායල හමුදාවේ ගොඩබිම් ප්‍රහාරය ආරම්භයේ සිට පලස්තීන විපතට පත්වූවන් සංඛ්‍යාව 30,700 ඉක්මවන අතර, මරණ සංඛ්‍යාව තවදුරටත් ඉහළ යමින් පවතී.

මෙම සංඛ්‍යා පැමිණෙන්නේ ගාසා තීරයේ හමාස් විසින් පවත්වාගෙන යනු ලබන සෞඛ්‍ය අමාත්‍යාංශයෙන් වන අතර එය ඔක්තෝබර් 7 සිට තුවාල කරුවන් 72,150 ක් පමණ වාර්තා වී ඇති අතර පසුගිය පැය 24 තුළ මරණ 86 ක් සහ පුද්ගලයින් 113 දෙනෙකු තුවාල ලබා ඇත.

චතාරික කාලය තුළ යාච්ඤාවේ ගමනක් 
පොදු ජන හමුවේ දී, ෆ්‍රැන්සිස් පාප් වහන්සේ කිතුනුවන්ට අපගේ චතාරික ගමන පාස්කුව දෙසට විශ්වාසවන්තව ඉදිරියට යන ලෙස ආරාධනා කළහ.

“මෙම චතාරික දිනවලදී, සදාකාලික ප්‍රේමයකින් අපට ප්‍රේම කරන දෙවියන් වහන්සේ වෙතට ඔබේ මුළු හදවතින්ම නැවත පැමිණීමට, ඔබේ ජීවිතය වසන් කරන සෑම දෙයකින්ම ඔබ නිදහස් වීමට දරන උත්සාහයේ ධෛර්යවත්ව ඉදිරියටම යන්න” 
යැයි එතුමන් පැවසීය.

#PopeFrancis #War #Prayer #HolyLand #Ukraine #Lent #LenternHymns #Lamentation #Prayer #RVASinhala

'RVASinhala' face book,Instagram,Twitter පිටුව like කරන්න,comment කරන්න,share කරන්න,
YouTube චැනලය Subscribe කරන්න.ස්තූතියි...!