Milad-Un-Nabi Mubarak! ප්‍රීතිමත් මීලාදුන් – නබි දිනයක් වේවා!
ශුද්ධ වූ මොහොමඩ් නබිතුමාගේ උපන් දින සංවත්සරය සමරණ සියලුම සහෝදර මුස්ලිම් ජනතාවට අපගේ උණුසුම් සුභාශිංසන!
ශුද්ධ වූ කුරානයට අනුව විශ්වයේ ඇති සෑම වස්තුවක් ම මවා ඇත්තේ යම් අරමුණක් උදෙසා ය.
මිනිසා මවා ඇත්තේ ද යම් අරමුණක් ඉටු කිරීම පිණිස ය. ඒ අරමුණ ඉෂ්ටප්‍රාප්ත කිරීමට කලින් කලට පත් කළ නබිවරුන් අතුරෙන් අවසන් වරට මෙලොවට පැමිණි නබිවරයා මුහම්මුද් නබිතුමාණෝය. එතුමාගේ ඉගැන්වීම වූයේ කිසිදු පුද්ගලයෙකු තවත් පුද්ගලයෙකුට වඩා ජාතිය, කුලය, වර්ණය අනුව උසස් වන්නේ ද පහත් වන්නේ ද නැති බව යි. සෑම මිනිසකුට ම සමාන අයිතියක් ලැබිය යුතු බව නබිතුමාණෝ දේශනා කළහ.
ගැහැනු ළමයකුගේ උපත ශාපයක් ලෙස සැලැකු යුගයක මුග්ධ ජනයා විසින් බිලිදියන් උපන් පසු පණ පිටින් වළලා දමන ලදී. එහෙත් වැඩි කල් නොගොස් කාන්තාවන්ගේ ජීවන අයිතිය දිනා දීමට නබිතුමන්ට හැකි විය.
මුළු ජීවිතය පුරා වහල් ජනයාගේ නිදහස වෙනුවෙන් කටයුතු කළ නබිතුමා, සුරාකෑමට එරෙහි විය. ඩහදිය වේලෙන්නට පෙර කම්කරුවනට හිමි චේතන අඩු නොකොට ලබා දිය යුතු යැ යි එතුමා කීය.
ස්වකීය ජීවිතය පුරා එතුමා සුරැකි ගුණාංග හා මිනිසත් බව වෙනුවෙන් කළ කැප කිරීම් මෙකල අප සැමගේ පරමාදර්ශයට යෝග්‍ය ය.
ශ්‍රී ලංකාවාසී ඉස්ලාමීය බැතිමතුන් ආගමික වතාවත් වල යෙදිමින්, දුප්පතුන්ට පිහිට වෙමින්, නබිතුමාගේ ඉගැන්වීම් මෙනෙහි කරමින් මේ දිනය සමරනු ලබයි.
