ජගත් පරිසර දිනය අදට (05) යෙදී තිබේ.
අද ලෝක පරිසර දිනය යි. එක්සත් ජාතීන්ගේ සංවිධානයට අනුව, 1973 ජුනි 05 සිට ආරම්භ කර ඒ ආශ්‍රිතව විශාල පාරිසරික ක්‍රියාකාරකම් ප්‍රමාණයක් සිදු කෙරෙන දිනය මෙදින වේ. මානව පරිසරය පිළිබඳ ස්ටොක්හෝම් සමුළුව ආරම්භ කිරීම නිමිත්තෙන් 1972 දී එක්සත් ජාතීන්ගේ මහා මණ්ඩලය විසින් ලෝක පරිසර දිනය ස්ථාපිත කරන ලදී. එදිනම මහා මණ්ඩලය විසින් සම්මත කරන ලද තවත් යෝජනාවක් UNEP නිර්මාණය කිරීමට හේතු විය. එය සෑම වසරකම ලෝකයේ විවිධ නගර විසින් සත්කාරකත්වය සපයනු ලබන අතර ජුනි 5 වන සතිය පුරා ජාත්‍යන්තර ප්‍රදර්ශනයකින් සමරනු ලැබේ.
"ප්ලාස්ටික් දූෂණය පිටුදකිමු" යන්න මෙවර ජගත් පරිසර දිනයේ තේමාව වී ඇති බව මධ්‍යම පරිසර අධිකාරිය සඳහන් කළේය.
මේ ඒ සම්බන්ධයෙන් අදහස් දක්වන එම අධිකාරියේ සභාපති සුපුන් එච්. පතිරගේ මහතා,
"සෑම වසරකම ජුනි 5 වෙනිදා ලෙස 1973 එක්සත් ජාතීන්ගේ මහා සම්මේලනයෙන් ගත්ත තීරණයකට අනුව පුරා වසර 50ක් තිස්සේ, පරිසර දිනය සැමරෙනවා. ලංකාවේ අපි ජගත් පරිසර දිනයේ, මෙවර තේමාව කාලීන මාතෘකාවක්. "ප්ලාස්ටික් දූෂණය පිටුදකිමු" කියන මාතෘකාව ඔස්සේ වැඩසටහන් කිහිපයක් ජගත් පරිසර දිනයට සමගාමීව ක්‍රියාත්මක වෙනවා. ඒ යටතේ මධ්‍යම පරිස අධිකාරිය විසින් ලංකාව තුළට පොලිතින් සහ ප්ලාස්ටික් ගෙන එන ආයතන විදිමත් කිරීම හා එක්වරක් පමණක් භාවිත කර ඉවතල ප්ලාස්ටික් වර්ග 4ක් තහනම් කිරීම තුළින් ප්ලාස්ටික් නැණවත් භාවිතයකට හුරු කිරීමත් දැනුවත් කිරීමේ වැඩසටහන් ලංකාව පුරා මධ්‍යම පරිසර අධිකාරියෙන් ක්‍රියාත්මක කිරීම මඟින් පරිසර දිනය සැමරීමට නියමිතය.
#WorldEnvironmentDay #BeatPlasticPollution
#RVASinhala
