ෆ්ලොරන්ස් හී ශුද්ධ වූ මිනියාස් මුනිඳුන්

අද දින සුදුවර චරිතයෙන් ඔක්තොම්බර් 25වන දිනට මංගල්‍යය යෙදෙන ෆ්ලොරන්ස් හී ශුද්ධ වූ මිනියාස් මුනිඳුන් ගැන කතා කරමු.

තුන්වන සියවසේ ජීවත් වූ මිනියාස් පුරා වෘත්තාන්තයන්ට අනුව ආර්මේනියානු රජෙකු හෝ රෝම හමුදාවේ සේවය කළ කුමාරයෙකු ලෙස සැලකෙන අතර ෆ්ලෝරන්ස් හී පළමු කිතුනු ප්‍රාණ පරිත්‍යාගීවරයා ලෙස ද සැලකේ. ෆ්ලොරන්ස් හි පිහිටි බැසිලිකාවක් වන මිනියාතෝ අල් මොන්තේ දේවස්ථානය කැප කර ඇත්තේ මෙතුමන් වෙනුවෙනි.
කිතුනුවකු වීම නිසා චෝදනා ලැබූ ඔහුව ක්‍රිස්තු වර්ෂ 250 දී පමණ ඩෙසියුස් අධිරාජ්‍යයා ඉදිරියට ගෙන එන ලද අතර ක්‍රිස්තුස් වහන්සේව ප්‍රතික්ෂේප කර රෝම දෙවිවරුන්ට වන්දනා කරන්න මෙන් අණ කර සිටියද ඔහු එය ප්‍රතික්ෂේප කළ නිසා ඔහුව ගිනි උදුනට දැමුව ද, සිංහයකුගේ ගොදුරකට දැමුව ද, දිවියෙකුගේ ගොදුරකට දැම්ම ද කිසිදු විපතක් සිදු නොවීය. අවසානයේදී, වර්තමානයේ පියෙට්සා දෙල්ලා සිංනෝරියා නම් ස්ථානයේදී ඔහුගේ හිස ගසා දමන ලැබූ බවත් වෙන්වූ හිස ඔහු විසින්ම ඔසවා ගත් බවත් කියැවේ.

ක්‍රිස්තියානිය අන්‍යන්ට හඳුන්වා දී ප්‍රාණපරිත්‍යාගී වු, ෆ්ලොරන්ස් හී ශුද්ධ වූ මිනියාස් මුනිඳුනි, අප නිසා යාච්ඤා කළ මැනව.

#StMiniasofFlorence #Prayforus
#Saintoftheday #RVASinhala

'RVASinhala' Facebook, Instagram, X Twitter, TikTok පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!