ශුද්ධ වූ රෝගුස් මුනිඳුන්

අද දින සුදුවර චරිතයෙන් අගෝස්තු 16වන දිනට මංගල්‍යය යෙදෙන ශුද්ධ වූ රෝගුස් මුනිඳුන් ගැන කතා කරමු.

මෙතුමන් උපත ලබන්නේ ක්‍රිස්තු වර්ෂ 1295 වසර ප්‍රංශයේ මොන්ත්පෙලිය නම් නගරයේදී ය. එතුමන්ගේ පියා එම නගරයේ වංශවත් ආණ්ඩුකාරයෙකු විය. එතුමන්ගේ උපත ද සිදු වූයේ ඉතාමත් ප්‍රාතිහාරාත්මක විදිහට ය. දරුඵල නොමැතිව සිටි ඔහුගේ මව දේවමාතාවන්ට කළ යාච්ඤාවේ බලමහිමයෙන් මෙතුමන් උපත ලබන මොහොතේදී ම පපුවේ රතු කුරුසයක සලකුණක් සටහන් වී තිබුණි. එතුමන්ගේ මව සතියට දෙවතාවක් නිරාහාරශීලීව ගතකරද්දී කුඩා දරුවකුව සිටින අවධියේ දී පවා එතුමන් ද තම මව සමග නිරාහාර ශීලය රකින ලදී.

වයස අවුරුදු විස්සේ දී පමණ එතුමන්ගේ දෙමව්පියන් මියදෙන අතර ඉන්පසු එතුමා තමන් සන්තකයේ තිබු සියලු ධනය දුප්පතුන් අතර බෙදා දුන්නේ ය. තම මරණයෙන් පසු නගරය ආණ්ඩුකාරයා ලෙස පියා විසින් ඔහුව පත් කළ ද මෙතුමන් වන්දනා ගමනක් ලෙස රෝමය බලා පිටත් විය.

එවකට ඉතාලියේ පැවැති වසංගත තත්ත්වයක් හේතුවෙන් රෝගී වුවන් හට ඇප උපස්ථාන කිරීමට මෙතුමන් තම කාලය කැප කරන ලදී. එතුමන්ගේ යාච්ඤාවෙන් සහ රෝගීන් මත අදින ලද කුරුසිය සලකුණු හේතුකොටගෙන බොහෝ දෙනෙක් ප්‍රාතිහාරාත්මක ලෙස සුවපත් වූහ. පසුව එතුමන්ට ද එම වසංගත රෝගී තත්ත්වය ඇතිවීම හේතුවෙන් නගරයේ නෙරපා දමන ලදී. වනගත වූ එතුමන් ගසක් මත කොළ අතු වලින් පැලක් සාදා එහි ජීවත් වෙන්නට පටන් ගත්තේය. එම ස්ථානයෙන් දිය උල්පතක් මතු වූ බව ද කියැවේ. එලෙසම වංශවත් මිනිසෙකුට අයිති වූ සුනඛයෙකු එතුමන්ට ආහාර ගෙනවිත් දුන් බවද කියවේ.

නැවතත් තමන්ගේ උපන් නගරයට පැමිණෙන එතුමන්ව ඔත්තුකාරයෙකු යැයි සැක කර සිරගෙට යවන ලදී. තමන් කවුරුන්ද යැයි හෙළි නොකළ එතුමන් සියලු ලෞකික දේ වලින් මිදී වසර පහක පමණ කාලයක් සිර ගෙයි ගතකර 1376 අගොස්තු 16 වන දින සගලොව දිනා ගත්තේය. මෙතුමන් වසංගත රෝගී තත්ත්වයන්ගේ ද, සුනඛයින්ගේ ද සහ සමේ රෝගවල ද නාම සාන්තුවරයා ලෙස සැලකේ.

#StRoch #Prayforus
#Saintoftheday #RVASinhala

'RVASinhala' Facebook, Instagram, Twitter, TikTok පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!