ශුද්ධ වූ බොනවෙන්චර් මුනිඳුන්

අද දින සුදුවර චරිතයෙන් ජූලි 15වන දිනට මංගල්‍යය යෙදෙන ශුද්ධ වූ බොනවෙන්චර් මුනිඳුන් ගැන කතා කරමු.
මෙතුමන් උපත ලබන්නේ ක්‍රි.ව. 1221 වසරේ මධ්‍යම ඉතාලියේ විතේර්බො පලාතේ බංඤොරෙංඤෝ නම් නගරයේ දී ජොවන්නි දි ෆිඩන්සා සහ මරියා දි රාතෙල්ලා යන දෙමාපියන් ට දාව ය. බොනවෙන්ච නාමය මෙතුමන්ට ලැබිමට හේතු වූයේ, කුඩා කාලයේ එතුමන් අසාධ්‍ය රෝගයකින් පෙළුණු විට එතුමන් ගේ මව අසීසි යේ ශුද්ධ වූ ෆ්‍රුන්සිස් මුනිඳුන් ගේ යාච්ඥා පිහිට අයැදු අවස්ථාව ක දරුවාගේ ආශිර්වාද ලත් අනාගතය දුටු ෆ්‍රුන්සිස් මුනිඳුන් , "O Buona ventura" යනුවෙන් ප්‍රකාශ කළ බැවිනි. එහි අර්ථය නම්, " අහෝ යහපත් අනාගතය" ය.
වයස අවුරුදු විසි දෙකේදී බොනවෙන්ච මුනිඳුන් ෆ්‍රුන්සිස්කානු නිකායට ඇතුළු විය. පැවිදි ජීවිතයේ පොරොන්දු දුන් පසු ම අධ්‍යාපන කටයුතු සම්පූර්ණ කිරීම සඳහා එතුමන්ව ප්‍රංශයේ පැරිස් නුවරට යවන ලදී. එහිදී එතුමා ශුද්ධ වූ තෝමස් ඇක්වයිනස් මුනිඳුන්ගේ හොඳම මිතුරකු බවට පත්විය.
තම නිකායේ ශ්‍රේෂ්ඨාධිපති බවට පත් වූ එතුමන් අභ්‍යන්තර ගැටළු ඉතා ඥානාන්විත ලෙස විසදා සාමය හා සංහිඳියාව නිකාය තුළ පිහිටුවා ලීමට කටයුතු කළේය. අති උතුම් හතර වන ක්ලෙමන්ට් ශුද්ධෝත්තම හිමිපාණන් වශයෙනි එතුමන්ව යෝර්ක් හි අගරදගුරු නම් කළ ද එය බාර ගනු සඳහා තමන්ට බල නොකරන ලෙස බැහැපත්ව ඉල්ලා සිටියේය.
ලියෝන් හි දෙවන මන්ත්‍රණ සභාව පැවැත්වේ මෙහිලා සහාය දෙමින් සිටින අතරතුර 1274 ජූලි 15 දින එතුමන් සගලොව දිනුවේ ය. ශුද්ධවන්ත භාවයට එසවීම 1482 අප්‍රේල් 14 වන දින අති උතුම් හතර වන සික්ස්ටස් ශුද්ධෝත්තම හිමිපාණන් විසින්.
එතුමන් ව සභා ධර්මධරයකු ලෙස 1588 වර්ශයේ දී අති උතුම් පස් වන සික්ස්ටස් ශුද්ධෝත්තම හිමිපාණන් විසින් නම් කරන ලදී.

#StBonaventure #Prayforus
#Saintoftheday #RVASinhala 

'RVASinhala' Facebook, Instagram, X, TikTok පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!