අද දින සුදුවර චරිතයෙන් ජූලි 02 වන දිනට මංගල්‍යය යෙදෙන ශුද්ධ වූ බර්නාර්දියෝ රියලිනෝ මුනිඳුන් ගැන කතා කරමු.
මෙතුමාණන් උපත ලබන්නේ 1530 දෙසැම්බර් 01 වෙනිදා ඉතාලියේ කාර්පි නුවර (වර්තමාන මෝදනා නගරය) වංශවත් පවුලකට දාව ය. එතුමන්ගේ පියා කාදිනල් ක්‍රිස්ටෝපර් මද්රුස්සෝ යටතේ සහයෝගීතාකරුවකු ලෙස සේවය කළ අයෙකි.
ප්‍රථමයෙන් එතුමන් මෝදනා හි අධ්‍යාපනය ලබන අතර පසුව දර්ශනවාදය සහ වෛද්‍ය විද්‍යාව හැදෑරීම බොලොංඤා හි ආරම්භ කළේය. වෛද්‍ය විද්‍යාව හැදෑරීම අතරමග නතර කළ එතුමන් නීතිය පිළිබඳව හැදෑරීම පටන් ගත්තේය. 1556 දී සභා නීතිය සහ සිවිල් නීතිය පිළිබඳව ආචාර්ය උපාධිය ලබා ගත්තේ ය.
බොහෝ සිවිල් නිලතල දැරූ එතුමන් අධිකාරී තනතුරක් දැරීම සඳහා නාපෝලි නගරයට ගියේය. එහි දී ජේසු නිකායික පියතුමෙකුගේ දේශනයකට සවන් දෙන ඔහුගේ සිත වෙනස් වන්නට විය. පසුව පියතුමා හමු වී යහපත් පාපොච්චාරණයක් ඔහු විසින් කර ගන්නා ලදී. ඔහුගේ සැබෑ පසුතැවිල්ල දකින පියතුමා ඔහුට ලැබී ඇති දේව කැඳවීම ගැන තේරුම් කර දුන්නේය.
එම අවබෝධය සමග බර්නාර්දීයෝ 1564 ඔක්තෝබර් 13 වන දින ජේසු නිකායික පැවිදි පන්තියට ඇතුළු විය. 1566 තම පැවිදි දිවියේ ප්‍රථම වේද භාරයන් ලබාගන්න එතුමන්ව පූජකවරයෙක් ආලේප කරනු ලැබුවේ 1574 මැයි 24 වන දිනය. පදවි පූජකවරුන්ගේ අධ්‍යාත්මික වර්ධනය වෙනුවෙන් 1583 දී එතුමන් විසින් විශේෂ වැඩපිළිවෙළක් පටන් ගන්නා ලදී. ප්‍රදේශයෙන් ප්‍රදේශයට ගොස් ධර්මෝපදේශය ඉගැන්වීමට ද නාපෝලි වරායේ සිටි වහල් සේවයේ නියැලුණු මිනිසුන් බැහැදැකීමට ද කටයුතු කළේය.
1610 දී සිදු වූ ඇද වැටීමක් නිසා ඇතිවූ තුවාලයන් සුව නොවී පැවතිණි.
"ජේසුනි, මරියනි" යන වචනය තෙපලූ එතුමන් 1616 ජූලි 02 දින සගලොව දිනා ගත්තේය.
භාග්‍යවරයට එසවීම 1896 ජනවාරි 12 අති උතුම් දහතුන්වන ලියෝ ශුද්ධෝත්තම හිමිපාණන් විසින්.
ශුද්ධවරභාවය ට එසවීම 1947 ජුනි 22 අති උතුම් දොලොස් වන පියුස් ශුද්ධෝත්තම හිමිපාණන් විසින්.
#StBernardinoRealino #Prayforus
#Saintoftheday #RVASinhala
'RVASinhala' Facebook, Instagram, Twitter පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!
