ශුද්ධ වූ පීටර් ක්‍රිසොලොගස් මුනිඳුන්

අද දින සුදුවර චරිතයෙන් ජූලි 30වන දිනට මංගල්‍යය යෙදෙන ශුද්ධ වූ පීටර් ක්‍රිසොලොගස් මුනිඳුන් ගැන කතා කරමු.

මෙතුමන් උපත ලබන්නේ ක්‍රිස්තු වර්ෂ 380 දී ඉතාලියේ බොලොඤ්ඤා පලාතේ ඉමෝලා නගරයේ දී ය. එවකට ඉමෝලා රදගුරු පදවියේ අතිඋතුම් කොරිනේලියස් රදගුරු තුමන් විසින් බෞතිස්ම කර, අධ්‍යාපනයක් ලබා දී පසුව තේවාචර්යවරයට පත් කරන ලදී. එලෙසම තුන්වන වැලන්ටයින් අධිරාජයාගේ මැදහත් කම තුළ එතුමන්ව අග්‍රතේවාචාර්ය වරයට ද ඔසවනු ලැබීය.

ක්‍රිස්තු වර්ෂ 433 දී අති උතුම් තුන්වන සික්ස්ටස් ශුද්ධෝත්තම හිමිපාණන් විසින් එතුමන්ව රවෙන්නා පදවියේ රදගුරුතුමන් ලෙස පත් කරන ලදී. එතුමන් ඉතා සරල ලෙස සංක්ෂිප්තව නමුත් ඉතා ආකර්ෂණීය ලෙස දේශනා කිරීමට සමත් වූයේය. තමන් හට සවන්දෙන අයව වෙහෙසට පත් නොකරන්නට සැම විට එතුමන් වගබලා ගත්තේය.

ක්‍රිස්තු වර්ෂ 450 ජූලි 31 වන දින එතුමන් උපන් නගරයේ දීම තම අවසාන හුස්ම හෙළන ලදී. එතුමන්ගේ දේශනා කිරීමේ සහජ හැකියාව නිසා "දේශනා ආචාර්ය" නමින් පුදනු ලබයි.

#StPeterChrysologus #Prayforus
#Saintoftheday #RVASinhala 

'RVASinhala' Facebook, Instagram, Twitter පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!