ශුද්ධ වූ දොමිනික් මුනිඳුන්

අද දින සුදුවර චරිතයෙන් අගෝස්තු 08වන දිනට මංගල්‍යය යෙදෙන ශුද්ධ වූ දොමිනික් මුනිඳුන් ගැන කතා කරමු.

මෙතුමන් උපත ලබන්නේ 1170 වසරේ අගොස්තු මස 08 දින ස්පාඤ්ඤයේ කලෙරුවෙරා යන කුඩා නගරයේ දීය. ජේන් නම් වූ මෙතුමන්ගේ මව ද අති උතුම් XII වන ලියෝ ශුද්ධෝත්තම හිමිපාණන් විසින් 1828 වසරේදී භාග්‍යවරයට ඔසවන ලදී.

එතුමන් තම අධ්‍යාපනික ජීවිතය තුළ වසර හයක පමණ කාලයක් කලා විෂයයන් හැදෑරීමට වසර හතරකට ආසන්න කාලයක් දේව ධර්ම ශාස්ත්‍රය හැදෑරීමට ද කැප කරන ලදී. 1191 වසරේ ස්පාඤ්ඤයේ ඇතිවූ සහගත තත්වයක් හමුවේ තමන් සතු මුදල් ද ඇඳුම් පැළඳුම් සහ තමන් සන්තක තිබූ පොත්පත් පවා විකුණා දිළිඳුන්ට පරිත්‍යාග කරන ලදී.

1194 වසරේදී එතුමන් ශුද්ධවූ අගුස්තීනු මුනිඳුන්ගේ සීල ධර්මයන් අනුගමනය කරන ලද පූජක පන්තියකට ඇතුල් විය. පසුව දකුණු ප්‍රංශයේ පැවැති කිතුනු නිකායන් හා සම්බන්ධ බොහෝ දෙනෙක් කතෝලික දහමට හරවා ගැනීම සඳහා එතුමන් කටයුතු කළේය.

1215 වසරේ දී එතුමන් තවත් අනුගාමිකයන් සය දෙනෙකු සමග පැවිදි නිකායන් ආරම්භ කිරීමට මුල පිරුවේ ය. යාච්ඤාවට ද මර්දන ක්‍රියාවන් වලට සහ දේශනා කිරීමට මුල් තැන දෙමින් මෙම පැවිදි නිකාය ආරම්භ විය. 1217 වසරේ ජනවාරි මස අති උතුම් තුන්වන හොනොරියුස් ශුද්ධෝත්තම හිමිපාණන් විසින් මෙම දොමිනිකානු පැවිදි නිකාය වෙනුවෙන් ශාසන අනුමැතිය ලබා දෙන ලදී.

1221 අගෝස්තු 06 දින ඉතාලියේ බොලොඤ්ඤා නගරයේදී එතුමන් සගලොව දිනාගන්නා ලද්දේ ය.
ශුද්ධවන්ත භාවයට එසවීම 1234 ජූලි 13 දින අති උතුම් නව වන ග්‍රෙගරි ශුද්ධෝත්තම හිමිපාණන් විසින්.

තාරකා විද්‍යාඥයන්ගේ, තාරකා විද්‍යාවේ, ඩොමිනිකානු ජනරජයේ සහ බොරු චෝදනා ලද්දවුන්ගේ නාමසාන්තුවර ශුද්ධ වූ දොමිනික් මුනිඳුනි, අප නිසා යාච්ඤා කළ මැනව.

#StDominic #Prayforus
#Saintoftheday #RVASinhala

'RVASinhala' Facebook, Instagram, Twitter, TikTok පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!