අද දින සුදුවර චරිතයෙන් ජනවාරි 28වන දිනට මංගල්‍යය යෙදෙන ශුද්ධ වූ තෝමස් ඇක්වයිනාස් මුනිඳුන් ගැන කතා කරමු.
කතෝලික සභාවේ වඩාත් ප්‍රසිද්ධ හා ඉහළ ඉහල පිලිගැනීමකින් යුත් දේවධර්මාචාර්යවරයෙකු සහ දාර්ශනිකයෙක් වූ තෝමස් ඇක්වයිනාස් උපත ලබන්නේ වර්ෂ 1225 යේ ඉතාලියේ සිසිලි නම් ප්‍රදේශයේ ය. දරුවන් 09 දෙදෙනෙකු ගෙන් යුතු වංශවත් පවුලකට බාලතම දරුවා වුයේ තෝමස් ඇක්වයිනාස් ය.
ඔහු යොවුන් වියෙහි සිටම තාපස පැවිදි ජීවිතයට ඇතුළත් වන්නට සිතු නමුත් ඉතාලි රජය සහ ශුද්ධාසන අතර පැවති අරගල හේතු කොට ගෙන නේපල්ස් හී විශ්ව විද්‍යාලයකට ඇතුළත් වී පසුව පවුලේ සාමාජිකයින්ගේ විරුද්ධත්වය නොතකා එහිදී දොමිනිකානු පංතියේ සමාජිකයකු බවට පත් විය.
වර්ෂ 1245 දී ප්‍රංශයට ගිය ඇක්වයිනාස් පැරිසියේ විශ්ව විද්‍යාලයට ශාස්ත්‍ර උපාධිය ලබා ගැනීමට පෙර ප්‍රවීණ ඇරිස්ටෝටලියානු විචාරක සහ දොමිනිකානුවරයෙක් වු ඇල්බට් මග්නුස් යටතේ තම අධ්‍යාපන කටයුතු කරගෙන ගියේය. වර්ෂ 1259 දී නැවත ඉතාලිය ට පැමිණෙන ඔහුව වර්ෂ 1265 දී 4 වන ක්ලෙමන්ට් පාප්තුමා විසින් ශුද්ධාසනයේ දේවධර්මාචාර්යවරයකු ලෙස සේවය කිරීම සඳහා රෝමයට කැඳවනු ලැබීය. රෝමයේ සිටින කාලවකවානුව තුළ සාන්තා සබීනා දොමිනිකානු පාසලේ ඉගැන්වීමේ කටයුතුවල නිරත වූ අතර "Summa Theologiae" නම් සුප්‍රසිද්ධ ග්‍රන්ථය ලියන්නට පටන් ගත්තේය.
දේවධර්මාචාර්යවරයකු ලෙස සුවිශාල මෙහෙයක් ශුද්ධ වූ සභාවේ වෙත ඉටුකළ එතුමන් 1274 මාර්තු 07 වන දින සගලොව දිනාගත්තේය.
ශුද්ධවරභාවයට එසවීම 1323 ජූලි 18 වන දින අති උතුම් XXII ජුවාම් ශුද්ධෝත්තම හිමිපාණන් විසින්.
ශිෂ්‍යයින්ගේ හා විශ්වවිද්‍යාලයන්හි නාමසාන්තුවරයා වන, ශුද්ධ වූ තෝමස් ඇක්වයිනාස් මුනිඳුනි, අප නිසා යාච්ඤා කළ මැනව.
#StThomasAquinas #Prayforus
#Saintoftheday #RVASinhala
'RVASinhala' Facebook, Instagram, X, TikTok පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!
