අද දින සුදුවර චරිතයෙන් පෙබරවාරි 04වන දිනට මංගල්‍යය යෙදෙන ශුද්ධ වූ ජෝන් ද බ්‍රිටෝ මුනිඳුන් ගැන කතා කරමු.
ජෝන් ද බ්‍රිටෝ උපත ලබන්නේ 1647 මාර්තු 01වන දින පෘතුගාලයේ ලිස්බන් නගරයේ ප්‍රබල වංශාධිපති පෘතුගීසි පවුලක ය. ඔහුගේ පියා සැල්වදෝර් ඩි බ්‍රිටෝ පෙරෙයිරා බ්‍රසීලයේ පෘතුගීසි යටත්විජිතයක ආණ්ඩුකාරවරයා ලෙස සේවය කරමින් සිටියදී මිය ගියේය.
ජෝන් වර්ෂ 1662 දී ජේසු නිකාය සමඟ සම්බන්ධ වී සුප්‍රසිද්ධ කොයිම්බ්‍රා විශ්ව විද්‍යාලයේ ඉගෙනුම ලැබීය. වර්ෂ 1673 දී දකුණු ඉන්දියාවේ, වර්තමාන තමිල්නාඩුවේ මදුරෙයි වෙත ධර්ම දූත සේවය සඳහා පිටත්ව ගිය අතර මාරාවර් ප්‍රදේශයේ ආගම දේශනා කළේය.
ඔහු තම නම දෙමළ භාෂාවෙන් අරුල් ආනන්දර් ලෙස වෙනස් කර ගත්තේ ය. වර්ෂ 1684 දී මාරාවර් හී පාලකයා ඔහුව සිරගත කර පසු ව නෙරපා හැරිය අතර ඔහු වර්ෂ 1687 දී නැවත ලිස්බන් නුවරට පැමිණ ධර්මදූතවරයකු ලෙස සේවය කළේය. දෙවන පේද්‍රෝ රජට ඔහුව නවතා ගැනීමට අවශ්‍ය වූ නමුත් වර්ෂ 1690 දී ඔහු නව ධර්මදූවරුන් 24 දෙනෙකු සමඟ මාරාවර් රටට පැමිණියේය.
මදුරෙයි හී ධර්මදූත සේවය යුරෝපීය සංස්කෘතික ආභාසයෙන් තොර ඉන්දියානු කතෝලික සභාවක් පිහිටුවීම සඳහා ඔහු ගත් එඩිතර උත්සාහයකි. එනිසා බ්‍රිටෝ ස්වදේශික භාෂාවන් ඉගෙන ගෙන, කහ කපු ඇඳුමින් සැරසී, තුරවි / සන්යාසි වැනි ජනයින් මෙන් ජීවත් වූ අතර, සෑම වර්ගයකම සත්ව ආහාරවලින් සහ වයින් වලින් වැළකී සිටියේය. ජෝන් ද බ්‍රිටෝ කතෝලික ඇදහිල්ල ජනතාවට ඉගැන්වීමට උත්සාහ කළේ ඔවුනට පහසුවෙන් තේරුම් ගැනීමට හැකි අර්ථවත් ක්‍රම වේදයකිනි. රොබර්ටෝ ඩි නොබිලි විසින් යෝජනා කරන ලද සහ ක්‍රියාත්මක කරන ලද මෙම ක්‍රමය විශිෂ්ට සාර්ථකත්වයක් අත්කර ගත්තේය.
මස්, මාළු, බිත්තර සහ මධ්‍යසාර ප්‍රතික්ෂේප කරමින් රනිල කුලයට අයත් පලතුරු හා ඖෂධ පැළෑටි පමණක් ආහාරයට ගනිමින් ජීවත් වූ බ්‍රිටෝ සිය ජීවිතයේ අවසානය දක්වාම දැඩි ලෙස සත්ත්ව ආහාර වලින් තොර විය.
තාඩියත්තේවන් නම් මාරාවා කුමාරයෙක් ජොන් ද බ්‍රිටෝ මුනිඳුන්ගේ දේශනා අසා කිතු දහම වැලද ගත් අතර ඔහුට සිටි සියලු භාර්යාවන් ගෙන් නිදහස් වී එක් අයෙකු වූ පමණක් තබා ගැනීමත් සමඟ බරපතල ගැටළුවක් පැන නැගුනි. අත හරින ලද භාර්යාවන්ගෙන් එක් අයෙකු වූයේ අසල්වැසි රජෙකු වූ සේතුපතිගේ ලේලියකි. ඇය ගැටුම්කාරි තත්ත්වයක් ඇති කර කිතුනුවන්ට පොදු හිංසා පීඩා කිරීම ආරම්භ කළාය. බ්‍රිටෝ ව සහ ධර්ම උපදේශකවරුන් රැගෙන අගනුවර වන රාම්නාද් වෙත ගෙන යන ලදී. එතැන් සිට වෙරළට සැතපුම් 30 ක් පමණ උතුරින් පිහිටි ඔරූර් වෙත ඔහුව ගෙන යන ලද අතර එහිදී 1693 පෙබරවාරි 4 වන දින ඔහුව ඝාතනය කරන ලදී.
වර්ෂ 1853 අගෝස්තු 21 වන දින IX වන පියුස් පාප්තුමා විසින් එතුමන්ව භාග්‍යවරයට ඔසවන ලද අතර 1947 ජුනි 22 වන දින XII වන පියුස් පාප්තුමා විසින් ඔහුව ශුද්ධවරභාවයට ඔසවන ලදී.
#StJohndeBritto #Prayforus
#Saintoftheday #RVASinhala
