ශුද්ධ වූ ජෝන් කෙම්බල් මුනිඳුන්

අද දින සුදුවර චරිතයෙන් අගෝස්තු 22වන දිනට මංගල්‍යය යෙදෙන ශුද්ධ වූ ජෝන් කෙම්බල් මුනිඳුන් ගැන කතා කරමු.

මෙතුමන් උපත ලබන්නේ 1599 වසර එක්සත් රාජධානියේ සාන්ත වොනර්ඩ්ස් නම් ගම්මානයේ ජෝන් සහ ඈන් යන යුවලට දාව. මෙම පවුලේ දරුවන් පස් දෙනකු ම පූජාත්වරය ලැබූ අතර ජෝන් කෙම්බල් පූජාත්වරය ලැබුවේ 1625 වසරේ පෙබරවාරි 23 වැනි දින ප්‍රංශයේ ඩුවෙයි හි දී ය.

1625 වසරේ ජුනි 04 වන දින නැවතත් පැමිණෙන එතුමන් මිෂනාරි වරයෙකු ලෙස සේවය කළේය. කතෝලික විරෝධී තත්ත්වයක් එවකට එංගලන්තය තුළ පවතින අවදියේ එතුමන් තම පූජක සේවාව නොබියව ඉටු කළේය. වසර පනහකට ආසන්න කාලයක් කැම්බල් පියතුමන් විවිධ පළාත්වල සංචාරයේ යෙදෙමින් දහම් දෙසූ අතර එතුමන් කතෝලික විරෝධී ජනතාවගේ ද සිත් දිනා ගත්තේය.

එතුමන්ගේ ධර්ම දූත කාර්යය නවතා දමන ලෙස පෙර අනතුරු හැඟවීම් කළ ද තම දහම සහ ජනතාව උදෙසා වදහිංසාවලට පවා මුහුණ දීම එතුමන් විසින් භාග්‍යයක් කොට සලකන ලදී. තමන්ගේ අණ නොතැකීම නිසා 1678 දෙසැම්බර් 07 වන දින එතුමන්ව අත් අඩංගුවට ගන්නා ලදී. එතුමන්ව කැරලිකරුවකු ලෙස හඳුන්වා වරදට පත් කිරීමට ඔවුන් විසින් බොහෝ වෑයම් කරන ලදී. අවසානයේ දී 1679 අගෝස්තු 22 වන දින එතුමන්ව එල්ලා මරණයට පත් කරන ලදී.

ශුද්ධවන්ත භාවයට එසවීම 1970 ඔක්තෝබර් 25 දින අති උතුම් vi වන පාවුළු ශුද්ධෝත්තම හිමිපාණන් විසිනි.

#StJohnKemble #Prayforus
#Saintoftheday #RVASinhala

'RVASinhala' Facebook, Instagram, X Twitter, TikTok පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!