ශුද්ධ වූ කැතරි ටෙකක්විතා මුනිවරිය

අද දින සුදුවර චරිතයෙන් ජූලි 14 වන දිනට මංගල්‍යය යෙදෙන ශුද්ධ වූ කැතරි ටෙකක්විතා මුනිවරිය ගැන කතා කරමු.
මෙතුමිය උපත ලබන්නේ 1656 වසරේ දී ඇමරිකාවේ නිව් යෝර්ක් ප්‍රාන්තයේ ඔසෙර්නෙන්ඔන් නම් ගම්මානයේ ය. ඇයට වයස 04 දී වසූරිය රෝගය වැළදිම හේතුවෙන් සමේ කැලැල් ඇති විය. මෙම කැළැල් හේතුවෙන් ඇයගේ තරුණ අවධියේ ද අන් අයගේ නින්දා අපහාස වලට ලක් විය. එම නිසා ඇය තම මුහුණ සඟවා ගැනීම සඳහා නිරතුරු රෙදි කඩක් භාවිත කළාය. තම පවුලේ සියලු දෙනා වසංගත තත්ත්වය යුතු කොටගෙන මියැදුන අතර ඇයව හදාවඩා ගනු ලැබුයේ ඇයගේ මාමා විසිනි.
කුඩා කල පටන් ඇය හැදී වැඩුණු නිවසේ සේවිකාවක් ලෙස වැඩ කිරීමට සිදු වුවත් කැතරි ඉතා කඩිසරව හා ඉවසිලිවන්ත ලෙස තමන්ට පැවරුණු සියලු කටයුතු ඉතා දක්ෂ ලෙස ඉටු කළාය. තමන්ව හදාවඩා ගත් දෙමව්පියන් විසින් ඇයට විවාහ යෝජනාවක් ඉදිරිපත් කළ ද ය විසින් එය ප්‍රතික්ෂේප කරන ලදී. ඒ හේතුකොටගෙන ඔවුන් විසින් ඇයට තව තවත් වැඩකටයුතු පවරන ලදී. බෙහෙත් ඇය මැසිවිලි නොකියා ඉතා ඉවසීමෙන් සියලු දේ ඉටු කළාය.
ඔහු වයස 19 දී ඇය කතෝලික දහම වැළඳගනිමින් 167 අප්‍රේල් 18 වන දින බව්තිස්මය ලැබුවාය. එහිදී ඇය මුළු ජීවිත කාලය පුරාම වෘතශුද්ධිය රකින බවට පොරොන්දු වෙමින් ක්‍රිස්තුස් වහන්සේට පමණක් තම ජීවිතය කැප කළාය. ඒ නිසාද හදාවඩා ගත් දෙමාපියන් සහ අසල්වාසීන් විසින් ඇයව තවත් හිංසා අපහාසයන්ට ලක් කරන ලදී. එම පීඩාවන්ගෙන් මිදීම සඳහා ඇය දකුණු මොන්ත්‍ර්ල් හී කිතුනු ගම්මානයකට ගොස් ජේසු නිකායික මිෂනාරිවරුන් හට සේවය කරන්නට ඉදිරිපත් විය.
එහිදී එතුමිය බොහෝ මර්දන ක්‍රියාවන් කරමින් තමන් හට පීඩා කළ හැම කෙනාගෙම සිත් හැරවීම පිණිස යාච්ඤා කළාය. කතෝලික ආගම වැළඳ ගෙන වසරක පහකට පසු එනම් 1680 අප්‍රේල් 17 වන දින එතුමිය සග ලොව දිනුවා ය.
භාග්‍යවරයට එසවීම 1980 ජුනි 22 අති උතුම් දෙවන ජුවාම් පාවුළු ශුද්ධෝත්තම හිමිපාණන් විසිනි. ශුද්ධවරයට එසවීම 2012 ඔක්තෝම්බර් 21 අති උතුම් දහසය වන බෙනඩික්ට් ශුද්ධෝත්තම හිමිපාණන් විසින්.
එතුමිය දෙමාපියන් අහිමි වූවන්ගේ ද ස්වදේශීය ඇමරිකානුවන්ගේ ද සහ පරිසරවේදීන්ගේ ද නාම සාන්තුවරිය ලෙස හඳුන්වනු ලැබේ.

#StKateriTekakwitha #Prayforus
#Saintoftheday #RVASinhala

'RVASinhala' Facebook, Instagram, X, TikTok පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!