ශුද්ධ වූ ඇලෙක්සිස් මුනිඳුන්

අද දින සුදුවර චරිතයෙන් ජූලි 17වන දිනට මංගල්‍යය යෙදෙන ශුද්ධ වූ ඇලෙක්සිස් මුනිඳුන් ගැන කතා කරමු.
ඇලෙක්සිස් ධනවත් රෝම සෙනෙට් සභික එකම පුත්‍රයා විය තම දෙමව්පියන්ගෙන් කුඩා කල පටන් යහගුණයන් සහ ගුණධර්මයන් ඉගෙනගත් එතුමන් දුප්පතුන් කෙරෙහි දයානුකම්පාව දැක්වීමට ඉගෙන ගත්තේය.
ඇලෙක්සිස්ට තම පිය උරුමයෙන් ලැබුණු ධනය හා ගෞරවය අත්හැරීමට අවශ්‍ය වූ නමුත් ඔහුගේ දෙමව්පියන් ඔහු වෙනුවෙන් ධනවත් සහකාරියක් තෝරාගෙන තිබුණි. එය ඔවුන්ගේ කැමැත්ත වූ නිසා ඔහු ඇය සමඟ විවාහ විය. නමුත් විවාහ දිනයේදී දෙවිදුන් වෙනුවෙන් කැප වන්නට ඇයගෙන් කැමැත්ත ලබාගත්තේ ය.
පසුව ඔහු වෙස්වළාගෙන නැගෙනහිර සිරියාවට ගොස් දේව මාතාවන්ට කැප කරන ලද දේවස්ථානයක් අසල ඉතා දිළිඳු ජීවිතය ක් ගත කරන්න ට පටන් ගත්තේ ය.
අවුරුදු 17 කට පසු එක් දිනක දේව මාතා පින්තූරයකින් හඩක් නික්ම එහි සිටි මිනිසුන්ට පැවසුවේ දෙව්මැදුර අසල සිටින දිළින්දා ඉතා ශුද්ධ වත් අයකු බවට.එතුමිය ඔහුව හදුන්වනු ලැබූයේ “දෙවියන්ගේ මනුෂ්‍යයා” ලෙස ය.
මෙයින් ඔහු ප්‍රසිද්ධියට පත් වූ විට ඔහු නැවත රෝමය බලා ගියේය. ඔහු හිඟන්නෙකු ලෙස තම නිවසට පැමිණියේය. ඔහුගේ දෙමව්පියන් ඔහුව හඳුනා නොගත් නමුත් ඔවුන් සියලු දුප්පතුන්ට ඉතා කරුණාවන්ත වූ නිසා ඔවුහු ඔහුට එහි නැවතී සිටීමට ඉඩ දුන්හ. පඩිපෙළක් යට කොනක ඇලෙක්සිස් අවුරුදු දාහතක් ජීවත් විය. ඔහු පිටතට ගියේ පල්ලියේ යාච්ඤා කිරීමට සහ කුඩා දරුවන්ට දෙවියන් වහන්සේ ගැන ඉගැන්වීමට පමණි.
සේවකයින් බොහෝ විට ඔහුට ඉතා පහත් ලෙස සැලකූ අතර, ඔහු කවුදැයි තම පියාට පැවසීමෙන් මේ සියලු දුක් වේදනා අවසන් කළ හැකි වුවද, ඔහු කිසිවක් නොකියා සිටීමට තීරණය කළේය. ඒ තරම් මහත් වූ ධෛර්යයක් හා විශ්වාසයක් එතුමන් තුළ තිබුණේ ය.
ඇලෙක්සිස් මියගිය පසු, ඔහුගේ පවුලේ අය ඔහුගේ ශරීරය පිළිබඳ සටහනක් සොයා ගත් අතර, ඔහු කවුරුන්ද යන්නත්, ඔහු විවාහ වූ දින සිට එතෙක් දෙවියන් වහන්සේගේ ප්‍රේමය උදෙසා කැප වූ ජීවිතයක් ගත කළ ආකාරයත් අවබෝධ කර ගන්නා ලදී.
මෙතුමන් යාචකයන්ගේ ද හෙදියන්ගේ ද සංචාරකයින්ගේ සහ වන්දනාකරුවන්ගේ ද නාම සාන්තුවරයා ලෙස සලකනු ලැබේ.

#StAlexis #Prayforus
#Saintoftheday #RVASinhala
'RVASinhala' Facebook, Instagram, X, TikTok පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!