අද දින සුදුවර චරිතයෙන් අගෝස්තු 05වන දිනට මංගල්‍යය යෙදෙන ශුද්ධ වූ අෆ්රා මුනිවරිය ගැන කතා කරමු.
මෙතුමියගේ ජීවිතය පිළිබඳව විවිධ වාර්තා පැවතුන ද වඩාත් ප්‍රචලිත වන්නේ ක්‍රිස්තු වර්ෂ 8 වන සියවසේ කරොලින්ජියානු සමයේ වාර්තා වූ "ශුද්ධ වූ අෆ්රා මුනිවරියගේ ක්‍රියා" නමැති සටහනයි.
මිත්‍යාදෘෂ්ටික පවුලක උපන් ඇය තම පවුලේ අය සමග තුන් වන සියවසේ අග භාගයේ දී ඔග්ස්බර්ග් වෙත යන ලදී. අෆ්රා ඇගේ මව වන හිලේරියා වෙනුස් නොහොත් සිකුරු දේවතාවිය වෙනුවෙන් සේවයට කැප කරන ලදී. මිත්‍යා ඇදහිල්ල තුළ ඇයට තම වෘත ශුද්ධියට නොගැලපෙන දේ පවා කිරීමට සිදුවිය.
දියෙක්ලේසියානු අධිරාජයා විසින් කිතුණුවන්ට හිංසා පීඩා කිරීමට ආරම්භ කළ බැවින් ගිරෝනා හි නාර්සිසුස් රදගුරු තුමන් ඔග්ස්බර්ග් නගරයේ රැකවරණ පතා පැමිණ අෆ්රා සහ ඇගේ මව සමග නවාතැන් ගත්තේය. එහිදී රදගුරු තුමන්ගේ ඉගැන්වීම් තුළින් ඇය සහ ඇගේ පවුලේ සියලු දෙනා කිතු දහම වැළඳ ගත්තෝය.
අෆ්රා කිතු දහම වැළඳ ගත් බව දැනගත් විට ඇයව අධිරාජයා ඉදිරියට ගෙනැවිත් මිත්‍යාදෘෂ්ටික දෙවිවරුන්ට පූජා කිරීමට අණ කරන ලදී. ඇය විසින් එය ප්‍රතික්ෂේප කළ නිසා රීච් නම් ගංගාවක් මැද පිහිටි කුඩා දූපතක ගිනි තබා මරණයට පත් කරන ලදී.
#StAfra #Prayforus
#Saintoftheday #RVASinhala
'RVASinhala' Facebook, Instagram, Twitter, TikTok පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!
