අද දින සුදුවර චරිතයෙන් ජුනි 25 වන දිනට මංගල්‍යය යෙදෙන වෙර්චෙල්ලි හී ශුද්ධ වූ විලියම් මුනිඳුන් ගැන කතා කරමු.
ශුද්ධ වූ විලියම් මුනිඳුන් උපත ලබන්නේ ක්‍රි.ව. 1085 වයඹදිග ඉතාලියේ වෙර්චෙල්ලි ප්‍රදේශයේ වංශවත් පවුලකට දාව උපත ලැබුවේය. තම දෙමාපියන්ගේ වියෝ වීමෙන් පසු හැදී වැඩුණේ ඔහුගේ ඥාතියෙක් යටතේය. විටෙක ඔහු විසින් ස්පාඤ්ඤයේ සන්තියාගෝ දේ කොම්පොස්තෙලා දක්වා වන්දනා ගමනක් ආරම්භ කළ අතර, කම්මල්කරුවකු ලවා යකඩ වළල්ලක් සාදා තම ඇඟ වටා දමා ගෙන ගමන අවසානය තෙක් තබාගෙන සිටියේය.
නැවත ඉතාලියට පැමිණි පසු ජෙරුසලමට යාමට ඔහු තීරණය කළේය. මෙම අදහසින් දකුණු ඉතාලියට පැමිණි ඔහුව හොරු පිරිසක් විසින් කොල්ලකන ලදී. එම සිදුවීම දෙවියන් වහන්සේගේ කැමැත්ත ලෙස පිළිගත් ඔහු ජෙරුසෙලමට නොගොස් දකුණු ඉතාලියේ ම නැවතී සිට ක්‍රිස්තුස් වහන්සේගේ පණිවිඩය පතුරුවන්නට පටන්ගත්තේය. එහිදී ඔහු තාපසයකු ලෙස මොන්තේ වර්ජිනේ යන කන්ද මත දිවි ගෙවන ලදී. මෙම කාල වකවානුවේ දී මෙතුමන් විසින් බොහෝ ප්‍රාතිහාර්යයන් කළ බව කියැවේ. පසුව එතුමන් තාපසාරාම පිහිටුවීම සඳහා ද මුලිකත්වය ගෙන කටයුතු කළේය.
1142 ජුනි 25 වන දින ගොලෙතෝ නම් ස්ථානයේ සිට තම අවසන් හුස්ම හෙලා සග ලොව දිනා ගත්තේය.
#StWilliamofVercelli #Prayforus
#Saintoftheday #RVASinhala
'RVASinhala' Facebook, Instagram, Twitter පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!
