බ්රින්දිසියේ ශුද්ධ වූ ලෝරන්ස් මුනිඳුන්
![](/sites/default/files/styles/max_width_770px/public/2024-07/21_st_lawrence_of_brindisi.png?itok=3-uzmJZ-)
අද දින සුදුවර චරිතයෙන් ජූලි 21වන දිනට මංගල්යය යෙදෙන බ්රින්දිසියේ ශුද්ධ වූ ලෝරන්ස් මුනිඳුන් ගැන කතා කරමු.
මෙතුමන් උපත ලබන්නේ 1559 ජූලි 22 දින නේපල්ස් රාජ්යයේ බ්රින්දිසි නම් නගරයේ වෙනිසියානු වෙළද පවුලක ය. කුඩා කාලයේ දීම තම දෙමාපියන් අහිමි වන අතර ඔහුව හදාවඩා ගනු ලබන්නේ ඔහුගේ මාමා විසිනි.
වෙනිසියේ සාන්ත මාර්ක් විදුහලේ අධ්යාපනය ආරම්භ කරන එතුමන් පසුව වෙරොනා හි කැපුචියානු නිකාය ට ඇතුළු විය. එතුමන් හට ලතින්, හීබෲ, ග්රීක, බොහේමියන්, ප්රංශ සහ ජර්මන් යන භාෂාවන් ඉතා චතුර ලෙස කතා කිරීමටත් ලිවීමටත් හැකියාවක් තිබුණේය.
පාදුවා විශ්ව විද්යාලයේ දී දර්ශනවාදය සහ දේවධර්ම ශාස්ත්රය හදාරා වයස අවුරුදු 23 දී පූජකවරය ලැබීය. වයස අවුරුදු තිස් එකෙ දී එතුමන් ව තුස්කානි පලාතේ ශ්රේෂ්ඨාධිපති ලෙස පත් කරන ලදී. ප්රබල ලෙස දේශනා කිරීමේ හැකියාවක් තිබුණ එතුමන් බොහෝ රෙපරමාදු භක්තිකයන් නැවත කතෝලික ඇදහිල්ලට ගෙන ආවේ ය.
බොහෝ තනතුරු දැරූ එතුමන් අවසාන වශයෙන් ස්පාඤ්ඤයේ වතිකානු තනාපති ලෙස කටයුතු කළේය. 1618 වසරේ දී විශ්රාම ලබන එතුමන් තාපසාරාමයේ කල් ගත කළේය. 1619 ජූලි 22 තම උපන් දිනයේ දීම එතුමන් සග ලොව දිනුවේ ය.
භාග්යවරයට එසවීම 1783 ජුනි 01 දින අති උතුම් හය වන පයස් ශුද්ධෝත්තම හිමිපාණන් විසින්. ශුද්ධවරභාවය ට එසවීම 1881 දෙසැම්බර් 08 දින අති උතුම් අට වන ලියෝ ශුද්ධෝත්තම හිමිපාණන් විසින්.
#StLawrenceofBrindisi #Prayforus
#Saintoftheday #RVASinhala
'RVASinhala' Facebook, Instagram, Twitter පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!