පාවියා හී ශුද්ධ වූ ෆල්ක් මුනිඳුන්

අද දින සුදුවර චරිතයෙන් ඔක්තොම්බර් 26වන දිනට මංගල්‍යය යෙදෙන පාවියා හී ශුද්ධ වූ ෆල්ක් මුනිඳුන් ගැන කතා කරමු.

ෆල්ක් වර්ෂ 1164 දී උතුරු ඉතාලියේ එමිලියා රොමඤ්ඤා පළාතේ පියසෙන්සා හි උපත ලැබුවේ අයර්ලන්ත සම්භවයක් ඇති ස්කොට්ලන්ත දෙමව්පියන්ට දාව ය. පැරිස් නුවර විද්‍යාලයක දේවධර්ම ශාස්ත්‍රය හැදැරූ ඔහු පසුව වර්ෂ 1194 දී හෝ ඊට ආසන්න කාලයකදී ඔහු සන්ත්'යුෆෙමියා හී ප්‍රධානියා බවට පත් විය.

ෆල්ක් කෙටි කාලයක් පියසෙන්සා හි සිසුන්ට දේවධර්ම ශාස්ත්‍රය ඉගැන්වීය. ඔහු පියසෙන්සා හි ආසන දෙව්මැදුරේ මූලික පූජකවරයා ලෙස පත් කරන ලද අතර පසුව 1210 අගෝස්තු 2 වන දින පියසෙන්සා හි අගරදගුරුතුමන් ලෙස පත් විය. නමුත් තුන්වන හොනොරියස් පාප්තුමාන් විසින් ඔහුව පාවියා රදගුරු පදවියට මාරු කළේය.

1215 දී ෆල්ක් අගරදගුරුතුමන් සිව්වන ලැටරන් කවුන්සිලයට සහභාගී වූ බවට සමහර මූලාශ්‍රවල සඳහන් වී තිබේ. වර්ෂ 1229 ඔක්තෝබර් 26 වන දින පාවියා හි දී ෆල්ක් මිය ගිය අතර ඔහුගේ මරණයෙන් පසු නවවන ග්‍රෙගරි පාප්තුමන් විසින් එතුමන්ව ශුද්ධවන්ත භාවයට ඔසවන ලදී.

රදගුරුවරුන්ගේ, කාර්දිනල්වරුන්ගේ, දෙව්සත්හල් සිසුන්ගේ සහ අධ්‍යාත්මික නායකයින්ගේ නාමසාන්තුවරයා වන, පාවියා හී ශුද්ධ වූ ෆල්ක් මුනිඳුනි, අප නිසා යාච්ඤා කළ මැනව.

#StFulk #Prayforus
#Saintoftheday #RVASinhala

'RVASinhala' Facebook, Instagram, X Twitter, TikTok පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!