නුර්සියා හි ශුද්ධ වූ බෙනඩික් මුනිඳුන්
![](/sites/default/files/styles/max_width_770px/public/2024-07/11_st_benedict.png?itok=QU_B_F9n)
අද දින සුදුවර චරිතයෙන් ජූලි 11 වන දිනට මංගල්යය යෙදෙන නුර්සියා හි ශුද්ධ වූ බෙනඩික් මුනිඳුන් ගැන කතා කරමු.
බෙනඩික් මුනිදුන් උපත ලබන්නේ ක්රි.ව. 480 මාර්තු 02 දින උම්බ්රියා හි නොර්ෂියා නගරයේ ය. ඔහු එම නගරයේ රෝම වංශාධිපතියකුගේ පුතෙක් වන අතර ඔහුට ස්කොලස්ටිකා නම් නිවුන් සොහොයුරිය ද සිටි බව සැලකේ.
අධ්යාපන කටයුතු සඳහා රෝමය බලා යන බෙනඩික් මුනිදුන් එහිදී තමන්ට මුණගැසුනු තරුණයින්ගේ ජීවිත පැවැත්ම දෙස බලා මවිත විය. තම සගයින්ගේ ජීවිත විනෝදය සඳහා පමණක් බවත් සත්යය සහ ආචාරධර්ම වෙනුවෙන් ඔවුන්ගේ අවධානය නැති බවක් දුටු එතුමන් තමන්ගේ ආත්ම සුබසිද්ධිය උදෙසා ම රෝමය අතහැර ගියේය.
වඩාත් ගැඹුරු හුදකලාවක් තුළ දෙවියන් වහන්සේව අත් දකින්නට සිතා ගත්තු ඔහු සුබියාකෝ කදුකරයට පිටත්ව ගොස් තාපස ජීවිතයට ඇතුළු විය.
වසර ගණනක ගැඹුරු යාච්ඤා ජීවිතයෙන් පසු අවට තාපස ජීවිත ගත කරන්නන් විසින් ඔවුනට නායකත්වයක් ලබාදෙන මෙන් බෙනඩික් මුනිදුන්ගෙන් ඉල්ලා සිටින ලදී. ඉතා දැඩි විනයානුකූල නායකත්වයකින් යුත් එතුමන්ව ආරාධනා කළ තාපසයින් විසින්ම ප්රතික්ෂේප කරන ලදී. එම නිසා නැවතත් බෙනඩික් මුනිදුන් හුදකලාව තමන්ගේ භාවනායෝගී ජීවිතය පවත්වාගෙන ගියේය.
පසුව එතුමන් අනුගාමී වූ අය අවංක වූ අතර එම ප්රදේශයේ තාපසාරාම දොළොසක් පිහිටුවන්නට එතුමන්ට හැකිවිය.
ක්රි.ව. 547 මාර්තු 21 වන දින එතුමන් සගලොව දිනුවේය.
ශුද්ධවරයට එසවීම 1220 දී අති උතුම් තුන් වන හොනෝරියස් ශුද්ධෝත්තම හිමිපාණන් විසින්.
'RVASinhala' Facebook, Instagram, Twitter පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!