ට්‍රෙන්ට් හී ශුද්ධ වූ විජිලියස් මුනිඳුන්

අද දින සුදුවර චරිතයෙන් ජුනි 26 වන දිනට මංගල්‍යය යෙදෙන ට්‍රෙන්ට් හී ශුද්ධ වූ විජිලියස් මුනිඳුන් ගැන කතා කරමු.
මෙතුමා තියොඩෝසීයස් නමින් කලක් හදුන්වනු ලැබූ මැක්ස්සෙන්ෂියා යන අයගේ පුතණුවන්ය. ජනප්‍රවාදයට අනුව ඔහු රෝමානු දේශප්‍රේමියෙකු විය. එලෙස ම එතුමන්ගේ සහෝදරයින් වන ක්ලවුඩියන් සහ මැජොරියන් ද සාන්තුවරයන් ලෙස ගෞරවයට පත් වූ හ.
විජිලියස් මුනිදුන් ග්‍රීසියේ ඇතැන්ස් හි දී අධ්‍යාපනය ලබන අතර එහිදී එතුමන් ශුද්ධ වූ ජෝන් ක්‍රිසස්ටම් මුනිදුන් ව මිතුරකු සේ හඳුනා ගන්නා ලදී. ක්‍රි. ව. 380 දී මෙතුමන් ට්‍රෙන්ට් නගරයේ පදිංචි වන අතර එහි රදගුරු තුමා ලෙස තෝරා එතුමන්ව ගන්නා ලදී. රදගුරුතුමන් ලෙස බොහෝ මිත්‍යා දෘෂ්ටිකයන් කිතු දහමට හරවාගැනීමට උත්සාහ කළ එතුමා තම පදවිය තුළ ආරම්භ කළේය.
ක්‍රි.ව. 405 ජුනි 26 වන දින වර්තමානයේ රෙන්දෙනා ලෙස හඳුන්වනු ලබන ප්‍රදේශයෙහි ගර්දා නදිය අසල රෝම දෙවිවරුන් ඇදහූ අයට විරුද්ධව දේශනා කරමින් සිටියදී සොයුරන් දෙදෙනා ද ජුලියන් නම් පූජකයෙකු ද සමගින් එතුමන්ව ඝාතනය කරන ලදී.

#StVigiliusofTrent #Prayforus
#Saintoftheday #RVASinhala

'RVASinhala' Facebook, Instagram, Twitter පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!