කැපිස්ත්‍රානෝ හී ශුද්ධ වූ ජුවාම් මුනිඳුන්

අද දින සුදුවර චරිතයෙන් ඔක්තොම්බර් 23වන දිනට මංගල්‍යය යෙදෙන කැපිස්ත්‍රානෝ හී ශුද්ධ වූ ජුවාම් මුනිඳුන් ගැන කතා කරමු.

ජුවාම් උපත ලබන්නේ 1386 වසරේ ජුනි 24 වන දින ඉතාලියේ අබෘට්සි නම් පළාතේ කැපිස්ත්‍රානෝ නම් නගරයේ ය. කුඩා කාලයේ පටන් අධ්‍යාපන කටයුතු කෙරෙහි දක්ෂතාවයක් දැක්වූ ඔහුගේ සාර්ථකත්වය විශිෂ්ට ලෙස පෙන්නුම් කළේය. එම නිසාම ඔහුට වයස අවුරුදු 26 දී පෙරුජියාවේ ආණ්ඩුකාරවරයා බවට පත් වීමට ද හැකි විය. පෙරුජියාවට එරෙහිව හටගත් සටනක දී සාම දූතයකු ලෙස ඉදිරිපත් වුවද විරුද්ධවාදීන් විසින් සිරගත කරන ලදී.
සිරගතව සිටින කාලය අතරතුර ඔහු තම ජීවිතය මුළුමනින්ම වෙනස් කර ගැනීමට තීරණය කළේය. නිදහස ලැබූ ඔහු වයස අවුරුදු 30 දී ෆ්‍රැන්සිස්කානු නිකායට ඇතුළු වූ අතර වසර හතරකට පසුව පූජකවරය ලබා ගත්තේය. ආගමික ලෙස උදාසීනතාවයන් හා ව්‍යාකූල තත්ත්වයන් ඇතිවූ අවස්ථාවේදී ඔහුගේ ප්‍රබල දේශනා අසා විශාල ජනකායක් ඔහුට ආකර්ෂණය විය. ඔහු සහ තවත් ෆ්‍රැන්සිස්කානු සොහොයුරන් දොළොස් දෙනෙකු මධ්‍යම යුරෝපයේ රටවල දෙවිඳුන් විසින් එවන ලද දුතයින් ලෙස පිළිගනු ලැබීය.
ජෝන් පියතුමා ග්‍රීක සහ අර්මේනියානු සභා අතර සහජීවනය ගොඩනැගීම සඳහා ද ඇප කැපවී කටයුතු කළේය. 1453 වසරේ දී තුර්කි ජාතිකයින් විසින් කොන්ස්තන්තිනෝපලය අල්ලා ගත් විට යුරෝපයේ ආරක්ෂාව සඳහා හමුදාවන්හි දේශනා කිරීමේ වගකීම ද ඔහුට පැවරිණි. එතුමන්ගේ මඟ පෙන්වීම සහ දේශනා තුළින් හමුදාවන්ට අති විශාල ජයග්‍රහණයක් ලබා ලබාගැනීමට සමත් විය. මහත් වූ වෙහෙසක් දරමින් තම සේවාව ඉටු කළ නිසාම යම් ආසාදන තත්ත්වයකට පත් වූ එතුමන් 1456 ඔක්තෝබර් 23 වන දින හන්ගේරියාවේ දී තම අවසන් හුස්ම හෙළීය.

නීතිවේදීන් සහ හමුදා උපාධ්‍ය පියවරුන්ගේ නාමසාන්තුවරයා වන, කැපිස්ත්‍රානෝ හී ශුද්ධ වූ ජුවාම් මුනිඳුනි, අප නිසා යාච්ඤා කළ මැනව.

#stjohnofcapistrano #Prayforus
#Saintoftheday #RVASinhala

'RVASinhala' Facebook, Instagram, X Twitter, TikTok පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!