අද දින සුදුවර චරිතයෙන් ඔක්තොම්බර් 10වන දිනට මංගල්‍යය යෙදෙන ශුද්ධ වූ ෆ්‍රැන්සිස් බොර්ජියා මුනිඳුන් ගැන කතා කරමු.
අද දින සුදුවර චරිතයෙන් ඔක්තොම්බර් 10වන දිනට මංගල්‍යය යෙදෙන ශුද්ධ වූ ෆ්‍රැන්සිස් බොර්ජියා මුනිඳුන් ගැන කතා කරමු.
ෆ්‍රැන්සිස් බෝර්ජියා උපත ලබන්නේ 1510 වසරේ ඔක්තෝබර් 28 වන දින ස්පාඤ්ඤයේ වලෙන්චියා පලාතේ ගන්දීයා නගරයේ දී එම නගරයේ තුන්වන ආදීපාදවරයා වූ ජියොවන්නි බොර්ජියා සහ ජුවානා යන යුවලට දාවය. කුඩා කල පටන් දැහැමි ජීවිතයක් ගත කළ ඔහු පැවිදි ජීවිතයට ඇතුළු වීමට අපේක්ෂා කළ ද දෙමව්පියන් විසින් ඔහුව පස්වන චාල්ස් රජු හට සේවය කිරීම සඳහා යොමු කරන ලදී.
ස්පාඤ්ඤයේ සාරාගෝස්සා හි අධ්‍යාපනය ලැබූ ඔහු 1529 දී පෘතුගීසි වංශාධිපති කාන්තාවක් වූ එලියනෝර් ඩි කැස්ත්‍රෝ සමඟ විවාහ වූ අතර ළොවට දරුවන් අට දෙනෙකු බිහි කළෝය . රජුගේ සේවයේ විවිධ තනතුරු දැරීමෙන් පසුව ස්පාඤ්ඤ පලාතක් වූ කැතලෝනියා වේ රජු ගේ නියෝජිතයෙකු හැටියට පාලනකයකු ලෙස කටයුතු කිරීමට ඔහුට හැකි වූ අතර එහි සිදු විය යුතු අත්‍යවශ්‍ය සමාජ හා ආර්ථික ප්‍රතිසංස්කරණ සිදු කිරීමට ඔහු උත්සාහ දැරුවේය.1543 දී සිය පියාගෙන් පසු ආදිපාදවරයා ලෙස පත්වීමට ඔහු එම නිලයෙන් ඉල්ලා අස්විය.
1546 දී තම බිරිඳ වූ එලියනෝර් ගේ මරණයෙන් පසු, බෝර්ජියා ජේසු නිකායට ඇතුළු විය. ඔහු ගාන්දියා හී ආරම්භ කළ ජේසු නිකායික විද්‍යාලය 1547 දී පාප්තුමාගේ නියෝගයක් ද ඇතිව විශ්ව විද්‍යාලයක් බවට පත් කරන ලදී. 1550 දී බොර්ජියා රෝමයට යන අතර එහිදී ඔහුව ශුද්ධ වූ ඉග්නේෂස් ලොයෝලා මුනිඳුන් විසින් පිළිගන්නා ලදී. ඔහු නැවත ස්පාඤ්ඤයට පැමිණ පූජකවරයකු ලෙස පත්විය. 1554 දී ඉග්නේෂස් මුනිඳුන් ඔහුව ස්පාඤ්ඤයේ පළාත්වල කොමසාරිස් ජෙනරාල් ලෙස නම් කළ අතර 1565 දී ඔහු ජේසු නිකායේ ශ්‍රේෂ්ඨාධිපති ලෙස තෝරා ගන්නා ලදී.
ඔහුගේ නායකත්වය යටතේ යුරෝපයේ නව පළාත් සහ විද්‍යාල පිහිටුවන ලදී. 1571 දී පියුස් පාප්තුමා ඔහුව තුර්කි ජාතිකයින්ට එරෙහි කංඩායම් ශක්තිමත් කිරීම සඳහා පෘතුගාලය සහ ප්‍රංශය වෙත යැවීය. ආපසු එන ගමනේදී ඔහු අසනීප වූ අතර රෝමයට පැමිණ ටික කලකට පසු 1572 සැප්තැම්බර් 30 වන දින ඔහු තම අවසන් හුස්ම හෙළන ලදී.
භාග්‍යවරයට එසවීම 1624 නොවැම්බර් 23 වන දින අති උතුම් viii උර්බාන් ශුද්ධෝත්තම හිමිපාණන් විසින්. ශුද්ධවන්ත භාවයට එසවීම 1670 ජුනි 20 වන දින අති උතුම් x වන ක්ලෙමන්ට් ශුද්ධෝත්තම හිමිපාණන් විසින්.
භූමිකම්පාවන්ගෙන් ආරක්ෂා වීම උදෙසා වන නාමසාන්තුවරයා වන, ශුද්ධ වූ ෆ්‍රැන්සිස් බොර්ජියා මුනිඳුනි, අප නිසා යාච්ඤා කළ මැනව.
#StFrancisBorgia #Prayforus #Saintoftheday #RVASinhala
'RVASinhala' face book,Instagram,Twitter පිටුව like කරන්න,comment කරන්න,share කරන්න,
YouTube චැනලය Subscribe කරන්න.ස්තූතියි...!
