FABC මහා සමුළුවේ සංගමනශීලී විමර්ශනය ඉදිරියට ගෙන යාමට ‘වට මේස සාකච්ඡා’ ක්රමවේදය අනුගමනය කෙරේ.
FABC මහා සමුළුවේ සංගමනශීලී විමර්ශනය ඉදිරියට ගෙන යාමට ‘වට මේස සාකච්ඡා’ ක්රමවේදය අනුගමනය කෙරේ.
ආසියානු රදගුරු සමුළු සම්මේලනයේ (FABC) 12 වැනි මහා සමුළුවට සහභාගි වූ නියෝජිතයෝ ජූලි 23 වැනිදා සංගමනශීලී විමර්ශනයේ නව අදියරකට පිවිසෙමින්, ආසියාවේ සභාවේ අනාගත මෙහෙවර හැඩගැස්වීම සඳහා සැලසුම් කර ඇති ප්රධාන ක්රමවේදයක් වන ‘වට මේස සාකච්ඡා’ සඳහා එක් වූහ.
ඊට පෙර දිනවල, යාච්ඤාව, ගැඹුරු සවන්දීම සහ ආධ්යාත්මික විමර්ශනය කේන්ද්ර කරගත් "ආත්මයාණන් තුළ සංවාදය" (Conversation in the Spirit) ක්රියාවලියට සහභාගි වූ කාදිනල්වරුන්, රදගුරුවරුන්, පූජකවරුන්, දේව කැපවූවන් සහ ගිහි නියෝජිතයන්, ජකර්තාහි හෝටල් මුලියා සංකීර්ණයේ වැන්ඩා ශාලාවේදී වඩාත් අන්තර්ක්රියාකාරී සහ සහයෝගී සංවාද ක්රමවේදයක් වන වට මේස සාකච්ඡා සඳහා එක් වූහ.
දහවල් සැසිය පිලිපීනයේ ලිංගයෙන්-ඩගුපාන් අගරදගුරු සොක්රටීස් බී. විලේගාස් හිමිපාණන් විසින් ආරම්භ කරමින්, සංගමනශීලී ගමනේ මෙම නව අදියර විවෘත සිතින් වැළඳ ගන්නා ලෙස සහභාගිවන්නන්ට ආරාධනා කළහ. සාකච්ඡා ආරම්භ කිරීමට පෙර, එකිනෙකා හඳුනා ගැනීම සඳහා කෙටි හඳුන්වාදීමේ ක්රියාකාරකමකට එක්වන ලෙසත්, එමගින් සහෝදරත්වයේ ආත්මය ශක්තිමත් කරන ලෙසත් උන්වහන්සේ දිරිගැන්වූහ.
ඉන් අනතුරුව FABC සංගමනශීලීත්වය පිළිබඳ කොමිසමේ (Commission for Synodality – CSyd) විධායක ලේකම් ක්ලැරන්ස් දේවදාස් පියතුමා වට මේස සාකච්ඡා ක්රමවේදය පැහැදිලි කරමින්, එය සමුළුවේ විමර්ශන ක්රියාවලියේ වැදගත් වර්ධනයක් බව සඳහන් කළහ.
උන්වහන්සේ පැවසුවේ, මෙම ක්රමවේදය "ආත්මයාණන් තුළ සංවාදය" තුළ පැවති ගැඹුරු සවන්දීම, අන්යෝන්ය ගෞරවය සහ යාච්ඤාත්මක විමර්ශනය ආරක්ෂා කරගනිමින්, වඩාත් විවෘත සංවාදයකට, අදහස් විශ්ලේෂණයකට සහ එක්ව විමර්ශනය කිරීමට පුළුල් අවකාශයක් සලසා දෙන බවයි.
පෙර පැවති සැසිවල මෙන් අදියර තුනක නිශ්චිත ආකෘතියකට සහ නිශ්ශබ්දතාවයට සීමා නොවී, වට මේස සාකච්ඡා තුළ ආසියාවේ සභාව මුහුණ දෙන අවස්ථා, අභියෝග සහ ඒවාට පිළිතුරු වශයෙන් ගත හැකි එඬේරක ක්රියාමාර්ග පිළිබඳව සහභාගිවන්නන්ට නිදහසේ අදහස් හුවමාරු කර ගැනීමට අවස්ථාව ලැබිණි.
එහිදී පෙරවරුවේ පැවති මහ සැසිවලින් මතු වූ ප්රධාන ප්රශ්න දෙකක් පිළිබඳව ඔවුහු මෙනෙහි කළහ.
පළමු ප්රශ්නය මඟින්, භූ දේශපාලනික වශයෙන් වේගයෙන් වෙනස් වන ආසියාව තුළත්, විශ්ව සභාවේ ජීවිතය තුළත්, පාලම් හා පාලම් තනන්නෙකු ලෙස සභාවට ඉටු කළ යුතු මෙහෙවරේ ඇති අවස්ථා සහ අභියෝග මොනවාදැයි සලකා බැලීමට නියෝජිතයන්ට ආරාධනා කෙරිණි.
දෙවන ප්රශ්නයෙන් අවධානය යොමු කෙරුණේ, ප්රාදේශීය සභාවන් සුවිශේෂ ප්රකාශක සහ සංගමනශීලී ප්රජාවන් ලෙස තවදුරටත් වර්ධනය වීමට නම්, සබඳතා, සභාමය ක්රියාවලීන් සහ සභා ව්යුහයන් තුළ සිදුවිය යුතු පරිවර්තනය කුමක්ද යන්න පිළිබඳවයි.
සෑම සාකච්ඡා මේසයක් සඳහාම සංවාදය මෙහෙයවීම සඳහා සම්බන්ධීකාරකවරයෙකු, ප්රධාන කරුණු සටහන් කිරීම සඳහා ලේඛකයෙකු සහ කණ්ඩායමේ නිගමන සමුළුවට ඉදිරිපත් කිරීම සඳහා වාර්තාකරුවෙකු පත් කෙරිණි.
දේවදාස් පියතුමා පැවසුවේ, මෙම වගකීම් බෙදාගැනීමම සංගමනශීලීත්වයේ මූලික ලක්ෂණයක් වන අතර, එහිදී නායකත්වය සහ සහභාගිත්වය එක් පුද්ගලයෙකු තුළ සංකේන්ද්රණය නොවී, සියලු දෙනාගේ හවුල් වගකීමක් ලෙස ක්රියාත්මක වන බවයි.
වට මේස සාකච්ඡා තුළින් මතු වූ අදහස් සහ නිර්දේශ, මෙම මහා සමුළුවේ ප්රධාන එඬේරක ප්රතිඵලයක් ලෙස සකස් කිරීමට නියමිත Vademecum මාර්ගෝපදේශ ලේඛනය සකස් කිරීම සඳහා යොදා ගැනීමට නියමිතය. එම ලේඛනය, සංගමනශීලී ගමන ඉදිරියට ගෙන යන ආසියාවේ ප්රාදේශීය සභාවන්ට ප්රායෝගික මඟපෙන්වීමක් සපයනු ඇතැයි අපේක්ෂා කෙරේ.
සාකච්ඡාවලින් අනතුරුව සෑම කණ්ඩායමක්ම තම සාකච්ඡාවල සාරාංශය සමුළුව ඉදිරියේ ඉදිරිපත් කළ අතර, ඒ මඟින් විවිධ කණ්ඩායම්වලින් මතු වූ අදහස් සියලු නියෝජිතයන් අතර බෙදාහදා ගැනීමට අවස්ථාව සැලසිණි.
මෙම වට මේස සාකච්ඡා හඳුන්වාදීම සතිය පුරා පැවති මහා සමුළුවේ වැදගත් සන්ධිස්ථානයක් ලෙස සැලකේ. "ආත්මයාණන් තුළ සංවාදය" මඟින් එකිනෙකාටත් ශුද්ධාත්මයාණන්ටත් යාච්ඤාත්මකව සවන් දීමට සහභාගිවන්නන් පුහුණු කළ අතර, වට මේස සාකච්ඡා එම සවන්දීම, හවුල් විමර්ශනයක් සහ ප්රායෝගික එඬේරක ප්රමුඛතා බවට පරිවර්තනය කිරීමට මඟ සලසා දුන්නේය.
ආධ්යාත්මික විමර්ශනයත්, සංවිධානාත්මක සංවාදයත් එකට එක්කරමින්, FABC මහා සමුළුව ආසියාවේ සභාවට කලාපය හමුවේ ඇති අවස්ථා සහ අභියෝගවලට වඩාත් ඵලදායී ලෙස ප්රතිචාර දැක්විය හැකි සංගමනශීලී ගමන් මඟක් ප්රායෝගිකව ආදර්ශවත් කරමින් සිටියි.
කතුවරයා පිළිබඳව
ඉන්දුනීසියානු ජාතික ප්රවීණ මාධ්යවේදියෙකු වන ගේබ්රියෙල් අබ්දි සුසන්තෝ, වර්තමානයේ Vatican News හි ඉන්දුනීසියානු කර්තෘ මණ්ඩලයේ සාමාජිකයෙකු ලෙස සේවය කරයි.
#FABCXII #FABC #ආසියානුරදගුරුසමුළුසම්මේලනය #SynodalChurch #TableConversations #ConversationInTheSpirit #BridgeBuilders #ChurchInAsia #RVASinhala
