අලුත් පාප්වහන්සේ ලොවට හදුන්වා දෙන්නේ කවුද?

අලුත් පාප්වහන්සේ ලොවට හදුන්වා දෙන්නේ කවුද?

2013 දී, ප්‍රසිද්ධ 'හබෙමුස් පාපම්' (We have a Pope) ප්‍රංශ ජාතික ජීන්-ලුවී කාර්දිනල් ටවුරාන් හිමිපාණන් විසින් ප්‍රකාශ කරන ලදී. තවද, මෙවර 2025 කාර්දිනල් රහස් සමුළුවේදී, තවත් ප්‍රංශ ජාතිකයෙකුට මෙම ගෞරවය හිමිවනු ඇත.

ඒ ඩොමිනික් මම්බර්ටි, සභාවේ උත්තරීතර විනිශ්චය සභාවේ ප්‍රධානියා වන කාදිනල්වරයා ය; (අපෝස්තලික සිග්නේටුරා)

ඔහු රාජ්‍ය තාන්ත්‍රික ක්ෂේත්‍රයේ දිගු වෘත්තීය ජීවිතයක් ගත කරන කාදිනල්වරයෙකි. ඔහු සුඩානයේ සහ එරිත්‍රියාවේ අපෝස්තලික තානාපති වූ අතර සෝමාලියාවේ අපෝස්තලික නියෝජිතයෙකු විය. 2006 දී, XVI වන බෙනඩික්ට් පාප්වහන්සේ ඔහුව වතිකාන විදේශ අමාත්‍යවරයා ලෙස පත් කළේය; ඔහු 2015 දක්වා එම තනතුර දැරීය.

කාදිනල් මම්බර්ටි (Dominique Cardinal Mamberti) කාර්දිනල් අනුපිළිවෙලෙහි තේවාචාර්ය කාර්දිනල්වරුන් (Cardinal Deacons) කණ්ඩායම අතර වේ.

මෙම කාණ්ඩයේ උසස් තැනැත්තා වන්නේ 'ප්‍රොටෝඩීකන්' (Proto-deacon) යන පදවිය ලබන තැනැත්තා හෝ, වෙනත් වචන වලින් කිවහොත්, සුදු දුමෙන් පසු වතිකානයේ ශාන්ත පීතර චතුරශ්‍රයේ රැස්ව සිටි පිරිසට නව පාප් වහන්සේ ඉදිරිපත් කිරීමේ වගකීම දරන තැනැත්තා ය. 

සටහන: දිනේශ් රෝලන්ඩ් පෙරේරා

#PopeNews #VaticanNews
#RVASinhala
'RVASinhala' Facebook, Instagram, X, TikTok පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!