අද දින සුදුවර චරිතයෙන් ජනවාරි 18වන දිනට මංගල්‍යය යෙදෙන හංගේරියාවේ ශුද්ධ වූ මාග්‍රට් මුනිවරිය ගැන කතා කරමු.
මාග්‍රට් උපත ලැබුවේ වර්ෂ 1242 ජනවාරි 27 වන දින ක්‍රොඒෂියා රාජධානියේ ක්ලිස් බලකොටුවේ දී රාජකීය යුවළගේ අටවන දරුවා ලෙස ය. මොන්ගෝලියානුවන් හංගේරියාව ආක්‍රමණය කරන විට ඔවුන් එහි පදිංචිව සිටිය අතර ඇගේ පියා ද මෙම රටේ පාලකයකු ව සිටියේය . හංගේරියාව මොන්ගෝලියානුවන්ගෙන් නිදහස් වුවහොත් තම දරුවා ආගමට කැප කරන බවට ඇගේ දෙමාපියන් ප්‍රතිඥා දුන්හ.
තුන් හැවිරිදි මාග්‍රට්ව ඇගේ දෙමව්පියන් විසින් 1245 දී වෙස්ප්‍රේම් හි දොමිනිකානු තාපසාරාමයකට භාර දෙන ලදී. ඉන් වසර හයකට පසු ඇයව බූඩා අසල දේවමාතාවන් හට කැප කරන ලද තාපසාරාමයකට රැගෙන ගිය අතර ඇය සිය ජීවිතයේ ඉතිරි කාලය ආගමට කැපවෙමින් එහි ගත කළාය. බොහීමියාවේ දෙවන ඔත්තෝකර් රජු සමඟ විවාහ විමට තම පියා විසින් ගත් සියලු උත්සාහයන්ට ඇය ප්‍රතික්ෂේප කළාය.
ඇය වයස අවුරුදු දහඅටේදී ඇය පැවිදි බිමේ සදාකාලික පොරොන්දු දුන් බව සැලකේ. ඇය බොහෝ දුෂ්කර මර්දන ක්‍රියාවන් සිදු සිදුකල අතර සිදු කළ අතර එය බොහෝ දුරට ඇගේ ජීවිත කාලය කෙටි කරවන්නට හේතු වී ඇත. වර්ෂ 1270 ජනවාරි 18 දින ඇය සගලොව දිනාගත්තාය.
භාග්‍යවරයට එසවීම 1789 ජූලි 28 වන දින අති උතුම් VI වන පියුස් ශුද්ධෝත්තම හිමිපාණන් විසින්.
ශුද්ධවන්ත භාවයට එසවීම 1943 නොවැම්බර් 19 වන දින අති උතුම් XII වන පියුස් ශුද්ධෝත්තම හිමිපාණන් විසින්.
#StMargaretofHungary #Prayforus
#Saintoftheday #RVASinhala
