අද දින සුදුවර චරිතයෙන් ජනවාරි 20වන දිනට මංගල්‍යය යෙදෙන ශුද්ධ වූ සෙබස්තියන් මුනිඳුන් ගැන කතා කරමු.
ක්‍රිස්තු වර්ෂ 256 පමණ ප්‍රංශයේ නර්බෝන් නුවර එතුමා උපත ලද මෙතුමන් ඉතා ප්‍රසිද්ධ වංශවත් දෙමව්පියන්ගෙන් උපත ලද එතුමා කඩවසම් තරුණයෙකි. ධර්මිෂ්ඨකමින් අගතැන්පත් වූ එතුමා රෝමානු සේනාංකයට බැදුනේ එක අදහසක් පෙරදැරි කරගෙනය. එනම් ඔවු එසේ බැදුණු විට ප්‍රාණ පරිත්‍යාගී වන කිතුනුවන්ට එතුමා උදව් කරන බව කිසිවෙකුට හැගී නොයන පිණිසය.
එතුමා රහසින් බොහෝ දෙනෙකු සත්‍ය විශ්වාසයට හරවා ගත්තේය. අවසානයේ දී දියෝක්ලේසියානු අධිරාජ්‍යාට සෙබස්තියන් සෙබළා කිතුනුවෙකු බව ආරංචි වී එතුමාට ඊතල වලින් විද මරා දැමීමට අණකර "මොරිටානියන්" නම් දුනු හේවයාට භාර කළේය. එතුමාට භූමදාන කිරීමට පැමිණි සැදැහැවත්හු එතුමා තවම ජිවත්වන බව දැන එතුමාව උපස්ථාන කර සුවපත් කලෝය. සුවපත්වූ එතුමා සැගවී පළා ගියේ නැත.
දිනක් අධිරාජ්‍යයා ගමන් කරන මාර්ගයේ සෙබස්තියන් තුමා රැදී සිට තමා පසුකර යන අධිරාජ්‍යාට කථා කොට ඔහු ක්‍රිස්තියානි බැතිමතුන්ට කරන වද හිංසා ගැන තදින්ම චෝදනා කළේය. මෙවර අධිරාජ්‍යයා කෝපවී මොහු මරණයට පත් කිරීමට තීන්දු කළේය.වර්ෂ 288 දී පමණ වධකයෝ එතුමාට පොලුවලින් ගසා මරණයට පත් කලෝය.
එතුමා වසංගත රෝග වලටද, බෝවන රෝග වලටද, තුවාල වලටද සහනය දෙන සාන්තුවරයා වශයෙන් ගෞරව කරනු ලැබේ. තවද විශ්වාසය මදවුවන්ට එතුමාගේ ආදර්ශය දිරිගැන්විමකි.
#StSebastian #Prayforus
#Saintoftheday #RVASinhala
