අද දින සුදුවර චරිතයෙන් ජනවාරි 17වන දිනට මංගල්‍යය යෙදෙන ශුද්ධ වූ සුල්පීසියුස් මුනිඳුන් ගැන කතා කරමු.
මෙතුමන් උපත ලැබුවා යැයි සැලකෙන්නේ ක්‍රිස්තු වර්ෂ 6 වැනි සියවසේ අවසානය ට පෙර ප්‍රංශයේ වැතොන් නම් නගරයේ වංශවත් සහ ධනවත් පවුලකය. යොවුන් වියේ සිටම ඔහු තම ජීවිතය දයාවේ ක්‍රියාවන් වෙනුවෙන් සහ ශුද්ධ ලියවිල්ල අධ්‍යයනය කිරීම සඳහා කැප කළ අතර තමන් සතු ඕනෑම දෙයක් සභාවට සහ දුප්පතුන්ට පරිත්‍යාගය කිරීමට කිරීමට නොපසුබට විය.
බෝෂ් හී රදගුරුතුමන් විසින් එතුමන්ව පැවිදි දිවියට ඇතුළත් කර ගන්නා ලද අතර පසුව තේවාචාර්ය වරයෙකු ලෙසද අවසානයේදී ඔහුගේ රදගුරු පාසලේ අධ්‍යක්ෂකවරයා ලෙස ද පත් කරගන්නා ලදී. එවකට ප්‍රංශයේ රජ ව සිටි දෙවන ක්ලොතෙයෝ ඔහුගේ ජීවිතේ තිබූ ගුණාංගයන් ගැන අසා ඔහුව කැඳවා තම හමුදාවෙහි උපාධ්‍ය පියතුමා ලෙස පත් කර ගත්තේය. බෝෂ් හී රදගුරුතුමන් ගේ මරණයෙන් පසුව සුල්පීසියුස් තුමන් එම ධූරයට පත්වන අතර එතැන් සිට ඔහු විසින් මහත් ජ්වලිතභාවයකින් යුතුව සභාවේ දිනය ස්ථාපිත කරමින් දුප්පතුන්ට සහනය සලසා දීමට කටයුතු කළේය.
දෙවන ක්ලොතෙයෝ රජු ගෙන් පසුව පත්වූ පළමු වන ඩැගොබර්ට් රජු විසින් පනවන ලද අධික බදු නිසා පීඩාවට පත් ජනතාව වෙනුවෙන් පෙනී සිටි මෙතුමන් තම ජීවිතයේ අවසාන කාලය බෝෂ් හී පිහිටි තාපසාරාමය ක ගත කළ අතර ක්‍රිස්තු වර්ෂ 646 ජනවාරි 17 වන දින සගලොව දිනා ගත්තේය.
#StSulpicius #Prayforus
#Saintoftheday #RVASinhala
