අද දින සුදුවර චරිතයෙන් අගෝස්තු 27වන දිනට මංගල්‍යය යෙදෙන ශුද්ධ වූ මොනිකා මුනිවරිය ගැන කතා කරමු.
මොනිකා උපත ලැබුවේ ඇල්ජීරියාවේ තාගස්තේ නගරයේ යැයි උපකල්පනය කෙරේ. ඇය ජීවිතයේ මුල් අවදියේ දී තගස්තේ හි නිල තනතුරක් දැරූ රෝමානු මිථ්‍යාදෘෂ්ටිකයෙකු වන පැට්‍රීසියස් සමඟ විවාහ විය. පැට්‍රීෂියස් දරුණු ලෙස කෝපාවිෂ්ඨ වන අතර එය දරුණු ලෙස පිටකිරීමට ද පුරුදු වී ඇත. මොනිකා විසින් කළ දානමය ක්‍රියා සහ යාච්ඤා ජිවිතය පැට්‍රීසියස්ට කෝපයක් ඇති කළ නමුත් ඔහු සැමවිටම ඇයව ගෞරවයෙන් සැලකූ බව කියනු ලැබේ.
මොනිකාට පුතුන් දෙදෙනෙකු වන අගුස්තීනු සහ නවිගියුස් සහ හිපෝහි පර්පෙතුවා නම් දියණියක් සිටියහ. ඔවුන්ව බව්තීස්ම කිරිමට නොහැකි වූ ඇය අගුස්තීනු අසනීප වූ විට දැඩි ලෙස දුක් වූවාය. මෙම විපත් මොහොතේ දී අගුස්තීනු බව්තීස්ම කිරීමට අවසර දෙන ලෙස ඇය පැට්‍රීසියස්ගෙන් ඉල්ලා සිටියාය. ඊට ඔහු එකඟ වූ අතර, දරුවා සුවය ලැබූ පසු එම අවසරය ඉල්ලා අස්කර ගත්තේය.
නමුත් අගුස්තීනු සුවය ලැබීම ගැන ඇයගේ සිතේ ඇති වු සහනය පසුව කනස්සල්ලකට හැරුණේ ඔහුගේ හැසිරීම අයහපතක් අතට පත් වූ නිසා ය. එය හේතු කොට ගෙන ඔහුව මැඩරෝස්හි පාසලකට යවන ලදි. පැට්‍රීෂියස් මිය යන විට ඔහුගේ වයස අවුරුදු 17 ක් වූ අතර කාර්තේජ් හි අධ්‍යාපනය හැදෑරීය.
අගුස්තීනු නම් තම පුතාගේ ජීවිතය යහමඟට ගැනීම සදහා ඇය බොහෝ සෙයින් වෙහෙසුණාය. වසර 17 ක වෙහෙසීමේ ප්‍රතිඵලයක් ලෙස අගුස්තීනු කිතු දහම වැළඳ ගත්තේ ය. අගුස්තීනු තුමා ශුද්ධවරභාවය දිනා ගැනීමේ ප්‍රබලතම සාධකය වූයේ මොනිකාතුමිය ය. එතුමිය සග ලොව දිනා ගන්නා ලද්දේ ක්‍රිස්තු වර්ෂ 387 වසරේ ඉතාලියේ ඔස්ටියා නගරයේ ය.
මතට ඇබ්බැහි වූවන් පරිවර්තනයේ, විවාහක කාන්තාවන්ගේ සහ මව්වරුන්ගේ නාමසාන්තුවරිය වන, ශුද්ධ වූ මොනිකා මුනිවරියනි අප නිසා යාච්ඤා කළ මැනව.
#StMonica #Prayforus
#Saintoftheday #RVASinhala
'RVASinhala' Facebook, Instagram, X Twitter, TikTok පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!
