අද දින සුදුවර චරිතයෙන් ජූලි 29වන දිනට මංගල්‍යය යෙදෙන ශුද්ධ වූ මාර්තා මුනිවරිය ගැන කතා කරමු.
"ජේසුස් වහන්සේ මාර්තාටත් මරියාටත් ලාසරස්ටත් ප්‍රේම කළේය" යන ජොහාන් ශුභාරංචියේ ඇති මෙම අද්විතීය ප්‍රකාශය, ජේසුස් වහන්සේ මාර්තා, ඇගේ සහෝදරිය සහ ඇගේ සහෝදරයා සමඟ පැවැති විශේෂ සම්බන්ධය ගැන පවසයි.
සුවිශේෂ වල සඳහන් වන පරිදි ජේසුස් වහන්සේ ජෙරුසලමේ සිට සැතපුම් දෙකක දුරින් පිහිටා ඇති කුඩා ගම්මානයක් වන බෙතානියේ, මාර්තාගේ නිවසට නිතර පැමිණි ආගන්තුකයෙක් විය. ලූක් 10: 38-42, ජොහාන් 11: 1-53 සහ ජොහාන් 12: 1-9 යන සංචාර තුන ගැන අපි කියවමු.
ලූක් සුවිශේෂයේ මාර්තා හඳුනා ගැනීම අපට පහසු ය. එහි මාර්තා ජේසුස් වහන්සේ සහ ඔහුගේ ගෝලයන්ව ඇගේ නිවසට ඉතාමත් ආදරයෙන් පිළිගෙන වහාම ඔවුන්ට සංග්‍රහ කිරීමට ලක ලැහස්ති වෙනවා. මැදපෙරදිග ආගන්තුක සත්කාරය ඉතා වැදගත් වන අතර මාර්තා එහි වැදගත්කම විශ්වාස කළාය. ඇගේ සහෝදරිය වන මරියා ආගන්තුක සත්කාරය සහ මාර්තාගේ වැඩ නොසලකා හැර ජේසුස් වහන්සේට වාඩි වී සවන් දීම ගැන ඇය කලකිරීමට පත්වී මැසිවිලි නගනවා. නමුත් වඩා වැදගත දේ දෙවිඳුන්ට සවන්දීම යන්න උන්වහන්සේ ඇයට පෙන්වා දෙනවා.
අපිත් මේ ලෝකයේ බොහෝ දේ ගැන කරඩර වීමේ දී මාර්තා මෙන් වනවා. නමුත් ඊළඟ වතාවේ ලාසරස් මරණයෙන් නැගිටුවන්නට පෙර ඇය දැඩි සේ පුනරුජ්ජීවනය සහ දේව පුත්‍රයා පිළිබඳ විශ්වාසය ප්‍රකාශ කරනවා. මරියා මෙන් නැවත නැවත මාර්තා ගැන සඳහන් වූයේ නැතත් ඇය උන්වහන්සේට සේවය කළා යන්න සඳහන් වෙනවා.
පුරාවෘතයන්ට අනුව පෙන්තකොස්තයෙන් පසු මාර්තා, මරියා සමඟ ප්‍රංශයේ දූත කාර්යයේ නිරත වූ බව අසන්නට ලැබේ.
ශුද්ධ වූ මාර්තා මුනිවරිය සූපවේදීන්ගේ සහ සේවකයින්ගේ නාමසාන්තුවරියයි.
#StMartha #Prayforus
#Saintoftheday #RVASinhala
'RVASinhala' Facebook, Instagram, Twitter පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!
