ශුද්ධ වූ බ්‍රිජට් මුනිවරිය

අද දින සුදුවර චරිතයෙන් ජූලි 23වන දිනට මංගල්‍යය යෙදෙන ශුද්ධ වූ බ්‍රිජට් මුනිවරිය ගැන කතා කරමු.

ස්වීඩනයේ අප්ලන්තයේ ආණ්ඩුකාරයාට 1303දී දියණියක් උපත ලැබු අතර ඇය බ්‍රිජට් නම් විය. ඇය කුඩා අවදියේ පටන්ම ඇගේ ඇවතුම් පැවතුම්, පෙනුම සියල්ල ඉතාමත් ආගමික විය. යොවුන් වියේ පසු වූ බ්‍රිජට් 1316දී පසුකලෙක නෙරිසියාවේ ආණ්ඩුකාරයා වූ ගඩ්මාසන් සමඟ විවාහ වූවාය. ඇය දරුවන් අටදෙනෙකුගේ මව වූ අතර ස්වීඩනයේ ශුද්ධ වූ කැතරින් මුනිවරිය ද ඇගේ දියණියකි. 1344 ඇගේ සැමියාගේ අභාවයෙන් පසු ඇය තාපසාරාම දිවියක් ඇරඹීය. 1370දී ඇය රෝමයට ගියේ දියණිය කැතරින් සමඟය. එහිදී ඇය දුප්පත් පොහොසත් භේද නොතකා විශාල අපෝස්තලික සේවයක නිරත විය. නිවාස නැති අයට, පව්කාරයින් යැයි හංවඩු ගැසූ පුද්ගලයින්ට ඇය සෙවණක් සලසා දුන්නා ය. ශුද්ධ වූ දේශයේ සංචාරයකින් පසු නැවත රෝමයට ආ ඇය 1373 ජූලි 23 වන දින ස්වර්ගස්ථ වූවාය. ශුද්ධවරයට ඔසවන ලද්දේ 1391 ඔක්තෝම්බර් 08 වන දිනදීය.

#StBridget #Prayforus
#Saintoftheday #RVASinhala 

'RVASinhala' Facebook, Instagram, Twitter පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!