අද දින සුදුවර චරිතයෙන් පෙබරවාරි 03වන දිනට මංගල්‍යය යෙදෙන ශුද්ධ වූ බ්ලාසියුස් මුනිඳුන් ගැන කතා කරමු.
ශුද්ධ වූ බ්ලාසියුස් මුනිඳුන් අර්මේනියා දේශයේ වංශවත් පවුලක දරුවකු ලෙස බිහිවිය. එතුමාගේ දෙමව්පියන් අන්‍ය ආගමිකයන් වූ අතර කුඩා කල සිටම මහා උගතකු වන ලකුණු පහළ කරමින් සිප් සතර හැදෑරූ මෙතුමා තම තරුණ වියේදී වෛද්‍ය විද්‍යාව හැදෑරූ වේ අසරණ රෝගීන්ට සුව සහනය ලබා දීමේ පිවිතුරු චේතනාවෙනි. ඉතා දක්ෂ වෙදැදුරු කෙනෙක් ලෙස රෝගීන් රැසක් සුවකළ මෙතුමාට තම තරුණ වියේදීම පැහැදිලි වූ තවත් වැදගත් දෙයක් විය.
එනම් මිනිසා ශාරීරික හා ආත්මික වශයෙන් ද බලවත් ලෙස රෝගාතුර ව අසාධ්‍ය තත්ත්වයක සිටින බවත් ඔහුගේ ආත්මයට සුවය ලබා දිය හැකි එකම මඟ වැටී ඇත්තේ සියලු බලැති දෙවි මහෝත්තමයාණන් කෙරෙහි දක්වන අචල විශ්වාසය තුළින් පමණක් බවත්ය.මෙය පසක් වීමෙන් මෙතෙක් තමන් ඇදහූ මිසදිටු විශ්වාසය බැහැර කළ මෙතුමා ක්‍රිස්තුස් වහන්සේ ගේ සරණ පතා කිතුණුවෙක් විය. පූජාප්‍රසාදිවරයෙකු බවට පත් වූ මෙතුමා ශුද්ධ වූ සභාව මගින් සෙබෙස්තේ නගරයෙහි රාජගුරු ප්‍රසාදී තනතුරට පත් කරන ලදී.
කිතුනුවන් ඝාතනය කළ දියොක්ලේසියානු අග රජුගේ පාලන සමයේ ඔහුගෙන් මිදී පලා ගොස් අර්පේ නම් කන්දක තිබූ ගුහාවක අප ජීවිතයක් ගත කළ අතර වනයේ සැරිසැරූ කුරිරු සතුන්ගේ ශබ්දයෙන් වත් මෙතුමන්ගේ තපස් දිවියට බාධාවක් නොවීය.
ඉන්පසුව මෙතුමන් රෝගී වූ බොහෝ දෙනකු තම යාඥා බලයෙන් සුව කළ අතර කුඩා දරුවකුගේ උගුරේහි මාළුවකුගේ කටුවක් ඇනි දරුවා මරණාසන්නව සිටින අවස්ථාවක අවස්ථාවක එතුමන් වෙත සහාය පතා පැමිණි මවකට ඇගේ දරුවා ප්‍රාතිහාර බලයෙන් සුව කර දීමෙන් එතුමා නැවතත් එකම දෙවි මහෝත්තමයාණන්ගේ බලය පෙන්වී.
ක්‍රිස්තු වර්ෂ 316 දී එතුමන් සත්‍යාගම උදෙසා හිස ගැසුම් කා ප්‍රාණ පරිත්‍යාග වරයෙකු බවට පත්විය. දෙවි පියාණන්ගේ නාමයෙන් එතුමන් කළ ප්‍රාතිහාර්යයන් නිසා ශුද්ධ වූ සභාවේ විශේෂ ආරක්ෂක මුනිවරුන් දස සතර දෙනාගෙන් එක් අයෙකු ලෙස ප්‍රකාශයට පත් කරන ලදී. මෙතුමන් වෙනුවෙන් අප දේශයෙහි ඉදි කෙරුණු පළමු දෙව්මැදුර මොරටු පුරවරයේ ඉදිබැද්ද ග්‍රාමය පිහිටා ඇත.
#StBlaise #Prayforus
#Saintoftheday #RVASinhala
