අද දින සුදුවර චරිතයෙන් පෙබරවාරි 06වන දිනට මංගල්‍යය යෙදෙන ශුද්ධ වූ පෝල් මිකි මුනිඳුන් ගැන කතා කරමු.
පෝල් මිකි උපත ලැබුවේ වර්ෂ 1562 දි ධනවත් ජපන් පවුලකට දාව ය. ඔහු අධ්‍යාපනය ලැබුවේ අට්සුචි සහ තකාට්සුකි හි ජේසු නිකායිකයන් යටතේ ය. පසුව ඔහු ජේසු නිකායට ඇතුළත් වූ අතර ප්‍රසිද්ධ හා සාර්ථක දේශකයෙකු බවට පත් වී බොහෝ දෙනෙකු කතෝලික ආගමට හරවා ගත්තේය. ජපානයේ පාලකයා වූ ටොයොටෝමි හයිඩෙයෝෂි, ජේසු නිකායිකයන්ගේ බලපෑමට බියෙන් කතෝලිකයන් හට පීඩා කිරීමට පටන් ගත්තේය.
මිකීව සෙසු කතෝලිකයන් සමඟ අත්අඩංගුවට ගෙන සිරගත කරන ලද අතර පසුව ඔවුන්ට කියෝතෝ සිට නාගසාකි දක්වා කිලෝමීටර් 966 ක් (සැතපුම් 600 ක්) ගමන් කිරීමට බල කෙරුණි. අද ජපානයේ විශාලතම කතෝලික ජනගහනය ඇති නාගසාකි වෙත පැමිණි මිකී, වර්ෂ 1597 පෙබරවාරි 5 වන දින කුරුසියකට බැඳ තිබියදී ඔහුගේ පපුවට ඊතලයකින් විදින ලදී.
ඔහු කුරුසියේ සිට සිය අවසාන දේශනය දේශනා කළ අතර, ඔහු තමා ජපන් ජාතිකයෙකු බව පවසමින් මරණයට නියම කළ අයට සමාව දුන් බව තහවුරු වේ. වර්ෂ 1597 පෙබරවාරි 05 වන දින ඔහු සමඟ දෙපසින් ජේසු නිකායේ ජොආන් සෝන් සහ සන්තියාගෝ කිසායි යන දෙදෙනාවද කුරුසියේ ඇණ ගසා මරණයට පත් කරන ලදී.
භාග්‍යවරයට එසවීම 1627 සැප්තැම්බර් 14 වන දින අති උතුම් උර්බාන් ශුද්ධෝත්තම හිමිපාණන් විසින්.
ශුද්ධවන්ත භාවයට එසවීම 1862 ජුනි 08 වන දින අති උතුම් IX වන පියුස් ශුද්ධෝත්තම හිමිපාණන් විසින්.
මෙතුමන් ජපානයේ නාම සාන්තුවරයා ලෙස සලකනු ලැබේ.
#StPaulMiki #Prayforus
#Saintoftheday #RVASinhala
