ශුද්ධ වූ පෙලාජියා මුනිවරිය

අද දින සුදුවර චරිතයෙන් ඔක්තොම්බර් 08 වන දිනට මංගල්‍යය යෙදෙන ශුද්ධ වූ පෙලාජියා මුනිවරිය ගැන කතා කරමු.

පෙලාජියා යනු ග්‍රීසියේ  අන්තියෝකියේ ජීවත් වූ නිළියක් වූ අතර ඇයව මාග්‍රට් ලෙස ද ලෙසද හඳුන්වා ඇත. ඇයගේ රූප ශ්‍රීය, ධනය  සහ ජිවිත පැවැත්ම පිළිබඳ ප්‍රසිද්ධියක් නගරයේ පුරාම පැවතිණි.
අන්තියෝකියේ පවත්වන ලද  සෙනෙට් සභාව අතරතුර එදෙස්සා හී නොන්නස් රදගුරුතුමන්ගේ දේශනයකට සවන් දුන් ඇය තමන් හට බව්තීස්ම-ස්නාපනය දානය කරන ලෙස රදගුරු හිමිපාණන් ගෙන් ඉල්ලා සිටියාය. තම සන්තක සියලු ධනය දුප්පතුන් වෙනුවෙන් බෙදා දෙන ලෙස රදගුරුතුමන්ට ලබාදී පිරිමියෙකු සේ වෙස්වලා තාපස ජීවිතයක් ගත කරන පිණිස ජෙරුසලමෙහි පිහිටි ඔලිවෙත්ති නම් කන්දකට ගියාය.
එහිදී ඇය ඉතා ගැඹුරු භාවනාවේ සහ පශ්චාත්තාපීක ජීවිතයක් ගත කළ අතර ඇයව හඳුන්වා ඇත්තේ රැවුලක් රහිත තාපසවරයා ලෙසයි. පුරුෂයකු ලෙස කල්ගත කළ ඇය කාන්තාවක් බව හඳුනාගන්නා ලද්දේ ඇයගේ මරණයෙන් පසුවය.
සුඛෝපභෝගී දිවි පැවැත්ම පසෙක ලා වෙස්වලාගෙන තාපසාරාම දිවියකට ඇතුළු වු, ශුද්ධ වූ පෙලාජියා මුනිවරියනි, අප නිසා යාච්ඤා කළ මැනව.

#StPelagia #Prayforus #Saintoftheday #RVASinhala

'RVASinhala' face book,Instagram,Twitter පිටුව like කරන්න,comment කරන්න,share කරන්න,
YouTube චැනලය Subscribe කරන්න.ස්තූතියි...!