ශුද්ධ වූ තෝමස් අපෝස්තුළුතුමා

අද දින සුදුවර චරිතයෙන් ජූලි 03 වන දිනට මංගල්‍යය යෙදෙන ශුද්ධ වූ තෝමස් අපෝස්තුළුතුමා ගැන කතා කරමු.
තෝමස් මුනිදුන් උපත ලබන්නේ ක්‍රි.පූ. 01 සියවසේ එවකට රෝම අධිරාජ්‍යය ට අයත් වූ ගලීලයේ ය. ජේසුස් වහන්සේ, තම ශ්‍රාවකයන් අතරින් තෝරා ගත් අපෝස්තුළුවරුන් දොලොස් දෙනා අතර සිටි මෙතුමන් ගැන ශුද්ධ ලියවිල්ලේ ප්‍රථමයෙන් සදහන් වන්නේ ලාසරස් ගේ මරණය දැනගත් ජේසුස් වහන්සේ ජුදයාවට යන්නට අදහස් කළ විට ජුදයින් ජේසුස් වහන්සේව නැසිමට උත්සාහ දරමින් සිටි බැවින්, "අප සියලු දෙනා ද උන්වහන්සේ සමග ගොස් නැසෙමු" යැයි කීමට.
මෙතුමන් ව ප්‍රචලිත ලෙස හදුන්වනු ලබන්නේ 'අවිශ්වාසයේ තෝමස්' ලෙසය. ඊට හේතුව වන්නේ උත්ථානයෙන් පසු ක්‍රිස්තුස් වහන්සේගේ තමන්ට දර්ශනය වූ බව ශ්‍රාවකයන් ඔහු ට ප්‍රකාශ කළ විට තම දෑසින් දැක ස්පර්ශ කර බලන තුරු විශ්වාස නොකරමි යැයි කී නිසා ය.
ශ්‍රාවකයින් අතර ඔහු සිටි මොහොතක ක්‍රිස්තුස් වහන්සේ දර්ශනය වූ අවස්ථාවේදී ඔහු පසුතැවිලි වී "මාගේ ස්වාමීනි , මාගේ දෙවියනි" යැයි ප්‍රකාශ කළේය.
තෝමස් මුනිදුන් රෝම අධිරාජ්‍යයේන් එපිට විශේෂයෙන් ආසියානු රටවල ධර්මදූත සේවය කළ බව සඳහන් වේ. සිරියානු කිතුනු ජනප්‍රවාදයට අනුව මෙතුමන් ක්‍රි.ව. 72 ජූලි 03 වන දින ඉන්දියාවේ චෙන්නායි හි දී ප්‍රාණ පරිත්‍යාගී වරයෙකු ලෙස සග ලොව දිනා ගන්නා ලදී.
#StThomas #Prayforus
#Saintoftheday #RVASinhala
'RVASinhala' Facebook, Instagram, Twitter පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!