අද දින සුදුවර චරිතයෙන් ජනවාරි 12වන දිනට මංගල්‍යය යෙදෙන ශුද්ධ වූ ටට්යානා මුනිවරිය ගැන කතා කරමු.
ශුද්ධවූ ටට්යානා මුනිවරිය තුන්වන ශතවර්ෂයේ ඇලෙක්සැන්ඩර් සෙවරුස් අධිරාජ්‍යයාගේ පාලන සමයේ බිහිවූ ප්‍රාණ පරිත්‍යාගීවරියක් වූ අතර මුල් කිතුනු සභාවේ තේවවාචාර්යවරියක් හැටියට ද කටයුතු කළේය.
පුරාවෘත්තයන්ට අනුව ඇගේ පියා රෝම සිවිල් සේවකයෙකු වූ නමුත් රහසිගතව කිතුනු දහම ඇදහූ අතර දියණියව ද අතර, තම ඇදහිල්ල තුළ ඇතිදැඩි කළේය. දිනක් උල්පියන් නම් නීතිවේදීයෙක් ටට්යානා තේවාචාර්‍යවරියක් ලෙස සේවයේ නියුතුව සිටියදී අල්ලාගෙන ඇපලෝ දෙවියන් හට පූජාවක් කිරීමට ඇයට බල කිරීමට උත්සාහ කළේය. එවිට ඇය තම විශ්වාසය රැක ගනිමින් යාච්ඤා කළ අතර ආශ්චර්යමත් ලෙස භූමිකම්පාවක් ඇති වී ඇපලෝ දෙවියන්ගේ පිළිමය සහ දේවමාළිගාවේ කොටසක් විනාශ විය.
ඉන් පසු ඇයගේ දෙනෙත් අන්ධ කර දින දෙකක් පුරා පහර දී සර්කස් සංදර්ශනයක් සදහා ගෙනවිත් සිටි කුසගින්නෙන් පෙළෙන සිංහයෙකු සමඟ වළට විසි කළ නමුත් සිංහයා ඇයට කිසිදු අනතුරක් නොකර ඇගේ පාමුල වැතිර සිටියේ ය. අවසනයේ දී ඇයට බොහෝ සේ වධහිංසා පැමිණවීමෙන් පසු ක්‍රි.ව. 225 හෝ 230 දී පමණ ජනවාරි 12 වන දින කඩුවකින් හිස ගසා දමා මරණයට පත් කරන ලදී.
ශිෂ්‍යයන්ගේ නාමසාන්තුවරිය වන, ශුද්ධ වූ ටට්යානා මුනිවරියනි, අප නිසා යාච්ඤා කළ මැනව.
#StTatiana #Prayforus
#Saintoftheday #RVASinhala
'RVASinhala' Facebook, Instagram, X, TikTok පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!
