ශුද්ධ වූ ජෝන් ෆ්‍රැන්සිස් රිජස් මුනිඳුන්

අද දින සුදුවර චරිතයෙන් ජුනි 16වන දිනට මංගල්‍යය යෙදෙන ශුද්ධ වූ ජෝන් ෆ්‍රැන්සිස් රිජස් මුනිඳුන් ගැන කතා කරමු.

ශු. ජෝන් ෆ්‍රැන්සිස් මුනිදුන් උපත ලැබුවේ 1597 ජනවාරි මස 31 වන දින ප්‍රංශයේ අවූදේ නගරයේ දී ය. වංශවත් පවුලක උපත ලැබූ එතුමන් ජේසු නිකායික පාසලක ඉගෙනුම ලැබීය. 1616 දෙසැම්බර් 08 වන දින, වයස 19 දී එතුමන් ජේසු නිකායික ආධූනික දෙව්සත්හල ට ඇතුළු වී වසර දෙකකට පසු වේදභාර ( පොරොන්දු) ලබා ගන්නා ලදී. දර්ශනවාදය සහ දේවධර්ම ශාස්ත්‍රය පිළිබඳ හැදෑරීමෙන් පසු එතුමන් හට 1930 දී පුජකවරය දානය කරන ලදී. කිතුනු විශ්වාසය පිළිබඳ ව දේශනා කිරීම ට සහ ඉගැන්වීම ට මහත් වූ ඇල්මක් දැක්වූ ශුද්ධ වූ ජෝන් මුනිදුන් තම ජීවිතයේ වැඩි කාලයක් ගත කළේ කොන් වූ අසරණ අය වෙනුවෙන් ය. කිසිවකු ගේ සරණයක් නොමැති කාන්තාවන් සහ ගැහැණු දරුවන් වෙනුවෙන් ආරක්ෂිත ස්ථාන ස්ථාපිත කර ඔවුන් වෙනුවෙන් රැකියා අවස්ථා සලසා දීමට එතුමන් කටයුතු කළේය.
නගරයෙන් නගරයට ගමන් කරමින්, ඉතා දූෂ්කර කදුකර ගම්මාන බැහැ දකිමින් මහත් වූ කැපවුණු සේවයක් කළ එතුමන් වයස 43 දී එනම් 1640 දෙසැම්බර් 31 දින සග ලොව දිනා ගන්නා ලදී.

භාග්‍යවරය - 1716 මැයි 18 අති උතුම් 11 වන ක්ලෙමන්ට් පාප්තුමා විසින්
ශුද්ධවරය - 1737 අප්‍රේල් 05 අති උතුම් 12 වන ක්ලෙමන්ට් පාප්තුමා විසින්

මෙතුමන් ලේස් සාදන්නන් නොහොත් ගෙත්තම් කරුවන්ගේ නාම සාන්තුවරයා ලෙස සැලකේ.

ශුද්ධ වූ ජෝන් ෆ්‍රැන්සිස් රිජස් මුනිඳුනි, අප නිසා යාච්ඤා කළ මැනව.

#StJohnFrancisRegis #Prayforus
#Saintoftheday #RVASinhala

'RVASinhala' Facebook, Instagram, Twitter පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!