අද දින සුදුවර චරිතයෙන් ජූලි 12 වන දිනට මංගල්‍යය යෙදෙන ශුද්ධ වූ ජෝන් ගෝල්බර්ට් මුනිඳුන් ගැන කතා කරමු.
මෙතුමන් උපත ලබන්නේ ඉතාලියේ ෆ්ලෝරන්ස් නගරය ක්‍රි. ව. 985 දී ය.
කුඩා කාලයේ පටන් ක්‍රිස්තියානි අධ්‍යාපනය ලැබුවද තරුණ වියට පත් වෙත්ම ඔහුගේ හදවත ආකර්ෂණය වුණේ ලෞකික දේවල් වලට ය.
ඔහුගේ එකම සහෝදරයා වන උගෝව එක්තරා පුද්ගලයෙක් විසින් ඝාතනය කරන ලදී. තම සොහොයුරාගේ ඝාතකයාගෙන් පලි ගැනීමේ දැඩි සිතක් එතුමන් තුළ ඇති විය.එක් මහ සිකුරාදා දිනයක තම සොහොයුරාව මැරූ පුද්ගලයා ජෝන් මුනිදුන්ට සමු විය. තමන් ළඟ තිබූ කඩුව රැගෙන ඔහු ගෙන් පලිගැනීමට සූදානම් වෙද්දි එම පුද්ගලයා ඔහු ඉදිරියේ දණින් වැටී සමාව අයැද සිටියේ ය. ඒ මොහොතේ දී ජෝන් මුනිදුන්ට කුරුසියේ ඇණ ගසා සිටි ක්‍රිස්තුස් වහන්සේ සිහියට ආවේය.
එම මොහොත එතුමන්ගේ ජීවිතයේ හැරවුම් ලක්ෂය විය. දේවස්ථානයකට ඇතුළු වූ එතුමන් තමන්ගේ පව් වලට සමාව ඉල්ලා යාච්ඤා කළේය. පසුව ශුද්ධ වූ බෙනඩික් මුනිතුමා ආරම්භ කළ තාපසාරාමයකට ඇතුළු වූ එතුමන් තාපස ජීවිතයට පා තැබුවේය. එතුමන් ද තාපසාරාම කිහිපයක් ආරම්භ කිරීමට මුල පුරන ලදී.
ඉතාමත් නිහතමානී කමෙන් ද දිළින්දන් වෙනුවෙන් බොහෝ කැපකිරීම් කරමින් ද ශුද්ධවත් ජීවිතයක් එතුමා ගත කළේය.
1073 ජූලි 12 වන දින එතුමන් සගලොව දිනා ගන්නා ලදී.
ශුද්ධවරභාවය එසවීම 1193 අති උතුම් තුන් වන සෙලෙස්ටයින් ශුද්ධෝත්තම හිමිපාණන් විසින්.
වනාන්තර සහ වන ආරක්ෂක නිළධාරීන්ගේ නාමසාන්තුවරයා වන, ශුද්ධ වූ ජෝන් ගෝල්බර්ට් මුනිඳුනි අප නිසා යාච්ඤා කළ මැනව.
'RVASinhala' Facebook, Instagram, Twitter පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!
