අද දින සුදුවර චරිතයෙන් ජූලි 01 වන දිනට මංගල්‍යය යෙදෙන ශුද්ධ වූ ජුනිපෙරෝ සේරා මුනිඳුන් ගැන කතා කරමු.
මෙතුමන් උපත ලබන්නේ 1713 නොවැම්බර් 24 දින ස්පාඤ්ඤයේ පෙත්රා යන ග්‍රාමයේ ය. එතුමන්ගේ පියා අන්තෝනියෝ නදාල් සේරා වූ අතර මව මර්ගරිතා රෝසා වූවාය.
වයස හතක් වැනි කුඩා කාලයේ පටන් තම දෙමාපියන්ගේ ගොවිතැන් කටයුතු සඳහා උදව් වූ එතුමන් බොහෝ සෙයින් ලැදියාවක් දැක් වූයේ තම ග්‍රාමයේ පිහිටි ප්‍රැන්සිස්කානු ආරාමයේ නිතර කාලය ගත කිරීමට ය.එම ආරාමයේ ම පිහිටි ප්‍රාථමික පාසලකට ඇතුළු වන එතුමන් එහිදී කියවීම, ලිවීම, ගණිතය, ලතින් භාෂාව, ආගම සහ ගීතිකා ගැයීම ප්‍රගුණ කර ගත්තේය. ඉතා මිහිරි ලෙස ගීතිකා ගායනා කිරීමේ හැකියාව එතුමන් දෙවියන් වහන්සේගෙන් ලද කලින් තලෙන්තුවක් ලෙස සැලකීය.
වයස අවුරුදු 16 දී දර්ශනවාදය හැදෑරීම ආරම්භ කරන එතුමන් පසුව ෆ්‍රැන්සිස්කානු නිකායේ ආධුනිකයකු බවට පත්විය. දැඩි විනයක් සහිත පූජක පුහුණු කාලය තුළ ඉතා ඉවසිල්ලෙන් සහ පැහැපත්ව තම කටයුතු ඉටු කළ මෙතුමන් තම විවේකී කාලය තුළ ෆ්‍රැන්සිස්කානූ මිෂනාරි ජීවිතය පිළිබඳ පොත පත කියවීම පුරුද්දක් කරගෙන සිටියේය.
1737 දී පූජාත්වරය ලබන මෙතුමන් වසර තුනකට පසු දර්ශනවාදය ඉගැන්වීමට සභා අනුමැතිය ලබා ගන්නා ලදී. ඉතා සාර්ථක ලෙස දර්ශනවාදය ඉගැන්වීම කාලයක් පුරා ඉටු කළ එතුමන් පසුව මිෂනාරි කටයුතු සඳහා බැවින් තම කාලය කැප කළේය. එතුමන්ගේ ජීවිතයේ අවසාන කාල වකවානුව තුළ පාද ආබාධයක් සහ පපුවේ රෝගී තත්ත්වයක් හට ගත් නමුත් තම සේවය ට එය බාධාවක් කර නොගත්තේය.
1784 අගෝස්තු 28 වන දින වයස 70 වේ දී සගලොව දිනා ගන්නා ලදී.
භාග්‍යවරයට එසවීම 1988 සැප්තැම්බර් 25, අති උතුම් දෙවන ජුවාම් පාවුළු ශුද්ධෝත්තම හිමිපාණන් විසින්.
ශුද්ධවරභාවය එසවීම 2015 සැප්තැම්බර් 23, අති උතුම් ෆ්‍රුන්සිස් ශුද්ධෝත්තම හිමිපාණන් විසින්.
#StJuniperoSerra #Prayforus
#Saintoftheday #RVASinhala
'RVASinhala' Facebook, Instagram, Twitter පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!
