ශුද්ධ වූ කින්ගා මුනිවරිය

අද දින සුදුවර චරිතයෙන් ජූලි 24වන දිනට මංගල්‍යය යෙදෙන ශුද්ධ වූ කින්ගා මුනිවරිය ගැන කතා කරමු.

කින්ගා පෝලන්තයේ කුමාරිකාව වූ අතර හන්ගේරියාවේ සාන්ත එළිසබෙත් මුනිතුමියගේ සහ සාන්ත රෙඩ්විග් මුනිඳුන්ගේ ඥාති දියණියක් වේ. 1234 මාර්තු 05 වන දින කින්ගා මෙලොව එළිය දුටුවේ එවක හන්ගේරියානු රජුගේ දියණිය ලෙසයි. කින්ගා කුමරියව පෝලන්තයේ ඔටුන්න හිමි කුමරාට විවාහ කරදෙන අතර විවාහය නොතකා සැදැහැවත් යුවළ නිර්මලතවය පිළිබඳ පොරොන්දුවක් ගත්හ.
ඔවුන්ගේ පාලන සමය තුළ ඇය බොහෝ සමාජ සේවා කාර්යයන්හි නිරත වූවාය. දුගී දුප්පතුන් බැහැදැකීමට ගිය අතර ලාදුරු රෝගීන්ට ද බොහෝ උපකාර කළාය. 1279දී රජු මියගිය පසු ඇය සතු වූ සියළු වස්තුව විකුණා දුගීන් අතර බෙදා දුන්නාය. ඇයට හිමි වූ ඔටුන්න පසෙකින් තබා ඇය දිළිඳු ක්ලාරා කන්‍යා සොයුරියක් බවට පත් වූවාය. ඇය ඉතිරි ජීවිත කාළයම යාච්ඤාවේ නිරත වූ අතර පෝලන්තයේ ආදිපාදවරිය ලෙස සලකන්නට එපායැයි ඉල්ලා සිටියාය. කින්ගා මුනිවරිය 1292 ජූලි 24 වන දින වයස 68දී සගසුව දිනුවා ය. 1999 ජූනි මස 16 වන දින දෙවන ජුවාම් පාවුළු පාප්වහන්සේ ඇයව ශුද්ධවරයට එසවූවේ ය.

#StKinga #Prayforus
#Saintoftheday #RVASinhala

'RVASinhala' Facebook, Instagram, Twitter පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!