අද දින සුදුවර චරිතයෙන් ඔක්තොම්බර් 09වන දිනට මංගල්‍යය යෙදෙන ශුද්ධ වූ අනිසෙත් අඩොල්ෆො මුනිඳුන් ගැන කතා කරමු.
මැනුවෙල් සෙකෝ ගුතියරෙස් නමින් 1912 ඔක්තෝබර් 04 වන දින ස්පාඤ්ඤයේ චෙලාදා මර්ලන්තෙස් හී උපත ලද මෙතුමන් පැවිදි දිවිය සඳහා ආධුනිකාරාමයට ඇතුළු වූයේ 1928 සැප්තැම්බර් 06 වන දින ය.
1934 වර්ෂයේදී එනම් ස්පාඤ්ඤ සිවිල් යුද්ධය ආරම්භ වීමට වසර කිහිපයකට පෙර වයඹදිග ස්පාඤ්ඤයේ අස්තුරියස් පළාතේ ගල් අඟුරු කැණීමේ නගරයක් වූ තුරෝන් හී රාජ්‍ය විරෝධී කැරැල්ලක් ඇති විය.
එහිදී විප්ලවවාදීන්ට නගරයේ පිහිටි පැවිදි සොයුරන්ගේ පාසල බාධාවක් වූයේ තරුණයන් කෙරෙහි මහත් වූ ආගමික බලපෑමක් කළ නිසාය. තරුණයින්ට ආගම ඉගැන්වීම නතර කරන ලෙස විප්ලවවාදීන් පැවිදි සොහොයුරන්ට බල කළ ද සෑම ඉරු දිනකම දිව්‍ය පූජාව සඳහා තරුණ තරුණියන් කැඳවීම සහ දහම කියා දීම නතර නොවීය.
1934 වසරේ ඔක්තෝබර් 09 වන දින අවි ආයුධ සඟවා ඇති බව චෝදනා නගමින් පැවිදි නිවාසයට කඩා වැදුණ පිරිසක් කිසිදු වග විභාගයකින් තොරව ඉනොසෙන්සියෝ නම් පියතුමා ඇතුළු පැවිදි සොහොයුරන් නවදෙනකු එදින මධ්‍යම රාත්‍රියේ සොහොන් බිමකට ගෙන ගොස් ඝාතනය කරන ලදී.
මෙලෙස ඝාතනයට ලක්වූ ලක් වූ අය අතර බාලතමයා වූයේ විසි දෙහැවිරිදි අනිසෙත් අඩොල්ෆො ය.
ගරු පියතුමා ඇතුළු පැවිදි සොහොයුරන් නවදෙනා භාග්‍යවරයට ඔසවන ලද්දේ 1990 අප්‍රේල් 29 වන දින අති උතුම් ii වන ජුවාම් පාවුළු ශුද්ධෝත්තම හිමිපාණන් විසින් වන අතර එතුමන් විසින් ම 1999 නොවැම්බර් 21 වන දින ඔවුන් සැම ශුද්ධවන්ත භාවයට ඔසවන ලදී.
ටියුරන් හි දි ප්‍රාණපරිත්‍යාගී වූ ද ලාසාල් සහෝදරතුමන්ලාගෙන් එක් අයෙක් වන, ශුද්ධ වූ අනිසෙත් අඩොල්ෆො මුනිඳුනි, අප නිසා යාච්ඤා කළ මැනව.
#StAnicetAdolfo #Prayforus #Saintoftheday #RVASinhala
'RVASinhala' face book,Instagram,Twitter පිටුව like කරන්න,comment කරන්න,share කරන්න,
YouTube චැනලය Subscribe කරන්න.ස්තූතියි...!
