පොයිටියස් හී ශුද්ධ වූ හිලරි මුනිඳුන්

අද දින සුදුවර චරිතයෙන් ජනවාරි 13වන දිනට මංගල්‍යය යෙදෙන පොයිටියස් හී ශුද්ධ වූ හිලරි මුනිඳුන් ගැන කතා කරමු.

හිලරි උපත ලබන්නේ ප්‍රංශයේ පොයිටියස් හී දී ක්‍රිස්තු වර්ෂ 3 වන ශතවර්ෂයේ අවසාන භාගයේ හෝ ක්‍රිස්තු වර්ෂ 4 ශත වර්ෂයේ මුල් භාගයේ දී බව සැලකේ. ඔහුගේ දෙමව්පියන් පැවැත්මෙන් ම මිත්‍යා දෘෂ්ටිකයින් වූ අතර ඔහුට ඉතා හොඳ මිථ්‍යාදෘෂ්ටික අධ්‍යාපනයක් ද ලැබුණි.

පසුව ඔහු ශුද්ධ වූ බයිබලය පැරණි හා නව ගිවිසුම් ලේඛන අධ්‍යයනය කිරීමට පටන් ගත් අතර එහි ප්‍රතිඵලයක් වූයේ ඔහු ක්‍රිස්තියානි ධර්මය වෙත නැඹුරුවක් ඇති කර ගැනීමයි. එම නිසා මිත්‍යාදෘෂ්ටික ඇදහිල්ලෙන් මිදි කිතු දහම වැළඳගත් ඔහු තම බිරිඳ හා දියණිය ද බෞතිස්ම කර ශුද්ධවූ සභාවට ඇතුළත් කර ගන්නා ලදී.

ඔහු ජීවත් ජීවත් වූ ප්‍රදේශය කිතුනුවන් ඔහුට කොතරම් ගෞරව කළා ද කිවහොත් තම රදගුරුවරයා ලෙස ඒකමතිකව ඔහු පත්කර ගත්තෝය. එතුමන් ශුද්ධවූ සභාවට එරෙහිව නැගී සිටි ඒරියන් වාදයට විරුද්ධව පෙනී සිටි ප්‍රබල චරිතයක් විය. එතුමන් විසින් දේවධාර්මීක කෘතීන් බොහොමයක් සහ ලතින් ගීතිකා කිහිපයක් ද රචනා කරන ලදී. ශුද්ධ වූ ජෙරෝම් මුනිඳුන්ගේ ලියකියවිලි වලට අනුව හිලරි මුනිඳුන් ස්වර්ගස්ථ වී ඇත්තේ ක්‍රිස්තු වර්ෂ 367 දීය.

නීතීඥයින්ගේ නාමසාන්තුවරයා වන, පොයිටියස් හී ශුද්ධ වූ හිලරි මුනිඳුනි, අප නිසා යාච්ඤා කළ මැනව.

#StHilaryofPoitiers #Prayforus
#Saintoftheday #RVASinhala