අද දින සුදුවර චරිතයෙන් අගෝස්තු 20වන දිනට මංගල්‍යය යෙදෙන ක්ලෙයවු හී ශුද්ධ වූ බර්නාඩ් මුනිඳුන් ගැන කතා කරමු.
මෙතුමන් උපත ලබන්නේ ක්‍රිස්තු වර්ෂ 1090 වසරේ ප්‍රංශයේ ෆොතැන්ලේදිජොන් නගරයේ එහි අධිපතියා වූ ටෙස්කෙලින් දි ෆොන්තෙන් සහ ඇලෙත් දි මොන්ට්බාර්ඩ් යුවලට දාවය. ඉතා වංශවත් පරපුරකට අයත් වූ මේ දෙදෙනාට දරුවන් සත් දෙනෙක් සිටි අතර තුන්වැන්නා වූයේ බර්නාඩ් ය. ඔහුට වයස නවයේ දී අධ්‍යාපනය සදහා චැටිලන්සුර්සේන් හි පාසලකට ඇතුළත් කරන ලදී.
බර්නාඩ් සාහිත්‍යය කෙරෙහි දැඩි ඇල්මක් දැක්වූ අතර කවි නිර්මාණය සදහා යම් කාලයක් කැප කළේය. ඔහුගේ අධ්‍යයන කටයුතුවල සාර්ථකත්වය ඔහුගේ ගුරුවරුන්ගේ ප්‍රසාදය දිනා ගත්තේය. බයිබලය අධ්‍යයනය කිරීම සඳහා සාහිත්‍යයම දැනුම ඉහළින්ම ලබාගැනීමට ඔහුට අවශ්‍ය විය. ඔහු කන්‍යා මරිය තුමිය කෙරෙහි විශේෂ භක්තියක් දැක්වූ අතර පසුව ඔහු ස්වර්ග රාජේශ්වරිය ගැන කෘති කිහිපයක් ලිවීය.
වයස 19 දී තම මව අහිමි වන ඔහු තරුණයකු ලෙස ලෞකික පරික්ෂාවන්ට හසු නොවි හුදෙකලාව සහ යාච්ඤායෝගීව කල් ගත කළේය. ඔහුගේ මවගේ අභාවයෙන් පසු බර්නාඩ් සිස්ටර්සියානු තාපස පංතියට ඇතුළත් වීමට උත්සාහ කළේය. වයස අවුරුදු 22 දී, බර්නාඩ් දේවස්ථානක යාච්ඤා කරමින් සිටියදී, ඔහුට සීටු හී තාපසාරාමය ඇතුළු වන ලෙස දෙවිදුන්ගේ කැඳවීම ලැබුණි. බර්නාඩ්ගේ සාක්ෂිය කෙතරම් බලගතුදයත්, ඔහුගේ මිතුරන්, සහෝදරයන් සහ ඥාතීන් 30 දෙනෙකු පැවිදි ජීවිතයට ඔහු සමග එක් වූහ.
බෙනදිකානු තාපස සංඝයේ පැහැදිලි වර්ධනයක් සහ ප්‍රතිසංස්කරණයක් ඉතා කෙටි කාලයක් තුළ මෙතුමන් නිසා සිදුවිය. මෙතුමන්ගේ ශුද්ධවත් ජීවිතය ගැන ඉතා ප්‍රචලිත වූ අතර වැඩිකල් නොගොස් ඔහුගේ පියා ඇතුළු තව 130 දෙනෙකු පැවිදි ජීවිතයට ඇතුළත් වූහ.
1153 අගෝස්තු 20 දින එතුමන් ස්වර්ගස්ථ වූ අතර 1174 ජනවාරි 18 දින අති උතුම් තුන්වන ඇලෙක්සැන්ඩර් ශුද්ධෝත්තම හිමිපාණන් විසින් ශුද්ධවරභාවයට ඔසවන ලදී.
ඉටිපන්දම් සාදන්නන්ගේ නාමසාන්තුවරයා වන, ක්ලෙයවු හී ශුද්ධ වූ බර්නාඩ් මුනිඳුනි, අප නිසා යාච්ඤා කළ මැනව.
#StBernardofClairvaux #Prayforus
#Saintoftheday #RVASinhala
'RVASinhala' Facebook, Instagram, X Twitter, TikTok පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!
