අද දින සුදුවර චරිතයෙන් අගෝස්තු 03වන දිනට මංගල්‍යය යෙදෙන අනාඤි හි ශුද්ධ වූ පීටර් මුනිඳුන් ගැන කතා කරමු.
මෙතුමන් උපත ලබන්නේ ඉතාලියේ සලේර්නෝ නගරයේ ය. එතුමන්ගේ උපන් දිනය පිළිබඳව නිශ්චිත සටහනක් නොමැත. බෙනදිකානූ තාපස නිකායට ඇතුළු වූ එතුමන් එවක ඉතා කැපී පෙනුන තාපස ජීවිතයක් ගත කළ බව කියැවේ. 6 වන ග්‍රෙගරි ශුද්ධෝත්තම පියතුමන් විසින් එතුමන්ව අනාඤි හි රදගුරුතුමන් ලෙස පත් කරන ලදී.
රදගුරු තුමකු ලෙස තමන් විසූ නගරයේ අධ්‍යාත්මික අභිවෘද්ධිය වෙනුවෙන් මහත් වූ සේවාවක් කළ අතර නව ආසන දෙව් මැදුරක් ද ඉදි කළේය. පළමු කුරුස යුද්ධයේ දී ශුද්ධවූ දේශය බලා යන ගමනේ එතුමන් ද සහභාගී විය. පසුව ii උර්බාන් ශුද්ධෝත්තම හිමිපාණන් විසින් බයිසන්ටයින් අධිරාජ්‍යයේ ශුද්ධාසන නියෝජිතයකු ලෙසින් කොන්ස්තන්තිනෝපලය වෙත යවන ලදී.
ක්‍රිස්තු වර්ෂ 1105 වසරේ දී එතුමන් සගලොව දිනා ගන්නා ලදී.1109 වසරේ ජුනි 04 දින අති උතුම් දෙවන පාස්කල් ශුද්ධෝත්තම හිමිපාණන් විසින් එතුමන්ව ශුද්ධවන්තභාවයට ඔසවන ලදී.
#StPeterofAnagni #Prayforus
#Saintoftheday #RVASinhala
'RVASinhala' Facebook, Instagram, Twitter, TikTok පිටු like කරන්න, comment කරන්න, share කරන්න, YouTube චැනලය subscribe කරන්න. ස්තූතියි..!
